Улуу тренер-педагог Д.П. Коркин аатынан Чурапчытааҕы спортивнай музей

Тоҕус Томтордоох Чурапчыга тиийбит ханнык баҕарар киһи, саханы аан дойдуга дорҕоонноохтук ааттаппыт улуу тренер Дмитрий Петрович Коркин аатынан Албан аат спортивнай музейын быһа ааспаккытыгар баҕарабын. Бу, аҥардас Саха сиригэр эрэ буолбакка, Россияҕа тиийэ киэҥник биһирэнэр спорка, чуолаан көҥүл тустууга аналлаах улахан таһымнаах музей. Манна араас күрэхтэһиилэргэ ситиһиллибит мэтээллэри, грамоталары, сэдэх докумуоннары, улуу тренер үлэлээбит малларын-салларын, тус архыыбын, албан аатырбыт тустууктар стендэлэрин, элбэх ахсааннаах хаартыскалары, кинигэлэри-сурунааллары, кубоктары, тыһыынчанан экспонаттары көрүөххэ сөп. Музей салайааччытынан СР физическэй култуураҕа уонна спорка үтүөлээх үлэһитэ, Д.П. Коркин аатынан Государственнай бириэмийэ лауреата, Чурапчы улууһун Бочуоттаах гражданина Егор Васильевич Пудов үлэлиир. 

Петр ПАВЛОВ.

  

Добавить комментарий

Ваш e-mail не будет опубликован. Обязательные поля помечены *