Владимир Андросов кэриэһигэр хапсаҕайга…

Бу өрөбүллэргэ, ахсынньы 3-4 күннэригэр Тааттаҕа – ССРС тыа сирин спортсменнарын үс төгүллээх чемпиона, Манчаары бастакы спартакиадатын муҥутуур кыайыылааҕа, ССРС уонна Саха АССР спортарын маастара Владимир Андросов кэриэһигэр хапсаҕайга XXVII республикатааҕы турнир ыытыллар. Республика халандаарыгар киирбит биир улахан таһымнаах үгэскэ кубулуйбут түһүлгэ быйыл Дэбдиргэҕэ тэриллэр.

Күрэхтэһиини Манчаары аатынан спорт төрүт көрүҥнэригэр “Модун” республикатааҕы спортивнай киинэ, Саха сирин хапсаҕайга федерацията, Таатта улууһун дьаһалтата, спорка тэрилтэтэ, хапсаҕайга федерацията уонна Игидэй нэһилиэгэ үүннээн-тэһииннээн ыытыахтара.

Күрэхтэһии – уолаттарга, эр дьоҥҥо уонна аҕам саастаахтарга ыытыллар. Ол курдук, уолаттар – 50, 55, 62, 70, 80, 80-тан үөһэ кг, эр дьон – 57, 65, 75, 85, 95, 95-тэн үөһэ кг уонн аҕам саастаахтар – 60, 70, 80. 90, 90-тан үөһэ кг күөн көрсүөхтэрэ.

Кыайыылаахтар уонна иккис-үһүс буолбуттар мэтээллэринэн, дипломнарынан уонна сыаналаах бириистэринэн наҕараадаланыахтара.

Түһүлгэ программата:

Ахсынньы 2 күнэ, бээтинсэ

17:00-19:00 Кыттааччылар ыйааһыннаныылара.

Ахсынньы 3 күнэ, субуота

10:00 – барыллааһын хапсыһыылар.

15:00 – түһүлгэни үөрүүлээхтик аһыы.

15:30 – күрэхтэһии салгыыта.

Ахсынньы 4 күнэ, өрөбүл

09:00 – күрэхтэһии салгыыта, быһаарыылаах хапсыһыылар, кыайыылаахтары наҕараадалааһын, муҥутуур кыайыылааҕы быһаарар түһүлгэ.

“Дьулурҕан”.