Тарскай чемпионата: Путевканы үллэстии хайдах буолла?

Тохсунньу 8-9 күннэригэр Аллараа Бэстээххэ (Мэҥэ Хаҥалас) Н.Н. Тарскай кэриэһигэр көҥүл тустууга Саха сирин биирдиилээн уонна хамаанданан бастыыр иһин чемпионата ыытыллан түмүктэннэ.

Чемпионакка республика 29 хамаандатыттан барыта 293 бөҕөс күөн көрүстэ. Түмүккэ кыайыыны көбүөр хаһаайыттара – мэҥэ хаҥаластар (хамаанда салайааччыта А.Г. Птицын) ситистилэр. Иккис миэстэни Чурапчы хамаандата (салайааччылар К.Н. Захаров, Д.Р. Неустроев) ылла. Үһүс бириистээх миэстэҕэ Сунтаар хамаандата (салайааччы С.А. Павлов) таҕыста.

Буолан ааспыт чемпионат биир сүрүн соругунан аны сайын Бороҕоҥҥо ыытыллар Саха сирин норуоттарын VIII спортивнай оонньууларыгар кыттааччылары сүүмэрдээһин буолбута. Ол курдук, Аллараа Бэстээх көбүөрүгэр ыйааһын ахсын аҕыс күүстээхтэр кэккэлэригэр киирбиттэр – Бороҕоҥҥо барар быраабы ыллылар.

Чемпионат кылаабынай секретара, Дьокуускай куорат В.П. Керемясов аатынан 3 №-дээх спортивнай оскуолатын дириэктэрэ Василий Васильевич Уйгуров биһиэхэ иһитиннэрбитинэн, бастакы сүүмэрдээһин кэнниттэн 80 бөҕөс путевка ылбыт.

Мэҥэ Хаҥалас – 8

Чурапчы, Уус Алдан – 7

Сунтаар – 6

Үөһээ Бүлүү, Нам, Таатта, ХИФУ – 5

Кэбээйи, Дьокуускай – 4

Ньурба, Орто Халыма, Томпо – 3

Анаабыр, Үөһээ Дьааҥы, Горнай, Мирнэй, Өймөкөөн, Хаҥалас – 2

Бүлүү, Муома, АГАТУ – 1.

Санатан эттэххэ, Саха сирин норуоттарын VIII спортивнай оонньууларыгар көҥүл тустууга бастыҥнары сүүмэрдиир өссө икки күрэхтэһии ыытыллара былааннанар. Онно 4-түү бөҕөс талыллыа. Онон Бороҕоҥҥо ыйааһын ахсын 16 тустуук кыттыахтаах.

Петр Павлов.  

2 thoughts on “Тарскай чемпионата: Путевканы үллэстии хайдах буолла?

  • 14 января, 2022 в 1:05 дп
    Permalink

    Урукку сылларга хамаанданан бастаабыттар списоктарын ханна булан керуеххэ себуй?

    Ответ
    • 15 января, 2022 в 1:33 дп
      Permalink

      Н.Н. Волков кинигэлэригэр уонна хаьыаттарга керуеххэ сеп буолуо.

      Ответ

Добавить комментарий

Ваш адрес email не будет опубликован.