Тарскай-2023: Улахаттарга чурапчылар бастаатылар, оттон уолаттарга?

Чурапчыга ыытыллыбыт Н.Н. Тарскай кэриэһигэр республика көҥүл тустууга чемпионатын дуораана ситэ сүтэ илигинэ, эмиэ биирдиилээн уонна хамаанданан бастыыр иһин күрэхтэһии тэриллэр буолла. Бу сырыыга – уолаттарга.

Ол курдук, тохсунньу 12-14 күннэригэр Дьокуускайга, 2006-2007 сс. төрөөбүт уолаттарга Н.Н. Тарскай аатынан Саха сирин көҥүл тустууга биирдиилээн уонна хамаанданан бастыыр иһин күрэхтэһии ыытыллар. Күрэхтэһии Манчаары Баһылай аатынан «Модун» спорт төрүт көрүҥнэрин киинигэр буолуоҕа.

Балаһыанньа быһыытынан уолаттар – 42, 45, 48, 51, 55, 60, 65, 71, 80, 92, 110 кг ыйааһыннарга күөн көрсүөхтэрэ. Кыайыылаахтар грамотанан уонна мэтээллэринэн, оттон бастыҥ хамаандалар кубоктарынан наҕараадаланыахтара. Ону тэҥэ спонсордар көмөлөрүнэн «Бастыҥ бөҕөс», «Кыайыыга дьулуурун иһин» уонна «Үчүгэй хапсыһыы иһин» диэн анал бириистэр оонньонуохтара.

Күрэхтэһии түмүгүнэн Дальнай Восток федеральнай уокуругун түһүлгэтигэр кыттар Саха Республикатын уолаттарга сүүмэрдэммит хамаандатын састааба талыллыа.

Билэргит курдук, улахан дьоҥҥо Н.Н. Тарскай чемпионатын быйылгы кыайыылаахтарынан көбүөр хаһаайыттара – чурапчылар буолбуттара. Оттон “Модуҥҥа” ыытыллар түһүлгэҕэ ханнык хамаанда кыайыай?

Санатан эттэххэ, былырыыҥҥы маннык күрэхтэһиигэ Уус Алдан бастакы, Чурапчы иккис, Дьокуускай үһүс миэстэлэри ылбыттара.

Күрэхтэһии программата

Тохсунньу 12 күнэ, чэппиэр

10:00-16:00 Мандатнай комиссия үлэтэ. «Дохсун» спорткомлпекс.

16:00-17:00 Судьуйалыыр коллегия хамаанда бэрэстэбиитэллэрин кытта сүбэ мунньаҕа.

17:00-18:00 Бары ыйааһыннарга сэрэбиэй.

Тохсунньу 13 күнэ, бээтинсэ

08:00-08:30 Кыттааччылар ыйааһыннаныылара.

11:00-13:00 Барыллааһын хапсыһыылар.

13:00-14:00 Тохтобул.

14:00-14:30 Күрэхтэһиини үөрүүлээхтик аһыы.

14:30-18:00 Күрэхтэһии салгыыта.

Тохсунньу 14 күнэ, субуота

08:00-08:15 Кыттааччылар ыйааһыннаныылара.

11:00-12:30 Уоскутар бөлөх тустуулара.

12:30-14:00 Быһаарыылаах хапсыһыылар. Кыайыылаахтары наҕараадалааһын.

«Дьулурҕан».    

Добавить комментарий

Ваш адрес email не будет опубликован. Обязательные поля помечены *