Тарскай-2023: Төрөөбүт истиэнэлэрэ көмөлөһүө дуо?

Эрдэ иһитиннэрбиппит курдук, тохсунньу 6-7 күннэригэр Чурапчыга, Н.Н. Тарскай кэриэһигэр көҥүл тустууга республикаҕа биирдиилээн уонна хамаанданан бастыыр иһин чемпионат ыытыллар. Бу чемпионакка Чурапчы чиэһин 37 бөҕөс көмүскүө. Кинилэр ортолоругар, этэргэ дылы, ууну-уоту ортотунан ааспыт көбүөр үөруйэхтээх маастардарын тэҥэ, эдэр кэскиллээх тустууктар бааллар.

Ол курдук, Европа чемпионатын икки төгүллээх призёра Эдуард Григорьев, Россия чемпиона Егор Пономарев, Россия студеннарга оонньууларын кыайыылааҕа Константин Капрынов, Д.Г. Миндиашвили аатынан Бүтүн Россиятааҕы турнирга бастаабыт Никита Софронов бааллар. Эдэрдэргэ республика сүүмэрдэммит хамаандатын чилиэннэрэ: Дархан Игнатьев, Артем Слепцов, Олег Фомин уо.д.а. барыта тустуу эйгэтигэр биллэр-көстөр бөҕөстөр.

Ылан көрдөххө, чемпионаты бэлэмнээн уонна тэрийэн ыытар улуус хамаандата, көбүөр хаһаайыттара күүстээх састаабы туруорбуттар. Чурапчылар, бу бэйэлэрин дьиэлэригэр ыытыллар дьоһун түһүлгэҕэ хайаан да бастыырдыы оҥостон, анал үөрэтэр-эрчийэр түмсүүнү тэрийэн ыыттылар.

Билиҥҥи кэмҥэ саха спордугар, күрэхтэһиини тэрийэн ыытар хамаанда бастыыр үгэһэ олохтонон эрэр диэххэ сөп. Былырыын Аллараа Бэстээххэ – мэҥэлэр бастаабыттара. Онон быйыл чурапчыларга даҕаны төрөөбүт истиэнэлэрэ көмөлөһөрө буолуо диэн сылыктааһын баар.

Санатан эттэххэ, кэнники сылларга Чурапчы хамаандата Саха сирин көҥүл тустууга чемпионатыгар эриэ-дэхси көрдөрүүлээх. Ол курдук, 2018, 2019 сс. бастаабыта, 2017, 2022 – иккис, 2015, 2016 – үһүс миэстэлэри ылбыта.

Чурапчы хамаандатын састааба:   

57 кг – Егор Явловскай, Артур Дьячковскай, Любомир Ашеин, Сергей Егоров, Александр Баин.

61 кг – Дьулустан Федотов, Дархан Игнатьев, Артем Слепцов, Владимир Пинигин, Владислав Макаров, Яков Павлов.

65 кг – Эдуард Григорьев, Егор Друзьянов, Арсен Халгаев.

70 кг – Олег Фомин, Петр Ксенофонтов, Уйгулан Протодьяконов, Николай Захаров.

74 кг – Владимир Бояновскай, Константин Капрынов, Егор Пономарев, Дьулустан Николаев, Дьулуур Петров.

79 кг – Стив Попов, Петр Захаров, Юрий Протодьяконов, Григорий Барашков.

86 кг – Алексей Захаров, Анатолий Сивцев, Дьулустан Калачев, Ян Егоров.

92 кг – Семен Аммосов, Петр Соловьев.

97 кг – Никита Софронов, Айаал Кузьмин.

125 кг – Виктор Малышев, Арсен Федоров.

“Дьулурҕан”.

Добавить комментарий

Ваш адрес email не будет опубликован. Обязательные поля помечены *