Майаҕатта, Лөгөй пааматынньыктара оннуларын буллулар

Бороҕон. Буолаары турар Саха сирин норуоттарын VIII спортивнай оонньууларыгар анаан стадиоҥҥа киириигэ уонна киин болуоссакка — Майаҕатта Бэрт Хара уонна Лөгөй Тойон пааматынньыктара туруохтара. Манна даҕатан эттэххэ, саҥа стадион Майаҕатта Бэрт Хара аатын сүгэр. 

Пааматынньыктары оҥорууга талааннаах эр дьон, Бэрт Ууһун нэһилиэгиттэн Владислав Бурцев, Амматтан Владимир Левин, Тааттаттан Петр Эляков үлэлэстилэр. Билигин пааматынньыктар сүрүн үлэлэрэ бүтэн, кырааскаланан — туруохтаах олохтоох сирдэригэр оннуларын буллулар.

Майаҕатта Бэрт Хара пааматынньыгын үрдүгэ 3 м 60 см тэҥнэһэр, сиэмэни анал раствору кытары булкуйан кутан оҥордулар. Эскииһин хамыыһыйаҕа бигэргэтэн, номоххо киирбит киһи күүһүн-уоҕун көрдөрөр гына, эһэ тириитин бүрүнэн сүһүөҕэр турара оҥоһулубутун хаартыскаҕа көрөҕүт.

Оонньуу кэмигэр, бороҕоттор төрүттэрэ буолбут ытык дьоҥҥо аналлаах өйдөбүнньүктэр үөрүүлээхтик аһыллыахтара.

“Дьулурҕан”.

 

Добавить комментарий

Ваш адрес email не будет опубликован.