Катар-2022: Хоруйдаргытын тэҥнээн

Футболга аан дойду чемпионатыгар анаан “Дьулурҕан” хаһыакка уонна dzulurgan.ru сайтка спорт бу көрүҥүн историятын туһунан викторина тахсыбыта. Онно барыта 60 киһи бэйэтин хоруйун ыытта. Хоруйдаргытын сайтка киирэн бэйэҕит тэҥнээн көрүөххүтүн сөп.

Оттон бүгүн ыйытыыларга сөптөөх хоруйдары билиһиннэрэбит:

1-кы ыйытыы: Футболга аан дойду чемпионатын тэрийэн ыытыыны ким көҕүлээбитэй?

Сөптөөх хоруй: француз Жюль Риме.

2-с ыйытыы: Аан дойду чемпионатын финалыгар оонньообут аҥар илиилээх футболист кимий?

Сөптөөх хоруй: уругваец Эктор Кастро, 1930 с.

3-с ыйытыы: Аан дойду чемпионатын бастакы голун (мээчигин) ким киллэрбитэй?

Сөптөөх хоруй: француз Люсьен Лоран.

4-с ыйытыы: Аан дойду чемпионатыгар Жюль Риме аата хаһан иҥэриллибитэй?

Сөптөөх хоруй: 1946 сыллаахха.

5-с ыйытыы: Аан дойду чемпионатын телевизорга бастаан хаһан көрдөрбүттэрэй?

Сөптөөх хоруй: 1954 сыллаахха Швейцарияҕа ыытыллыбыт чемпионакка.

6-с ыйытыы: 1978 с. чемпионат бастыҥ оонньооччутунан ким буолбутай?

Сөптөөх хоруй: аргентинец Марио Кемпес.

7-с ыйытыы: Кими «Үрүҥ Пеле» («Белый Пеле») дииллэрэй?

Сөптөөх хоруй: бразилец Зиконы.

8-с ыйытыы: Аан дойду чемпионатыгар саамай элбэхтэ кыттыбыт хамаанда?

Сөптөөх хоруй: Бразилия.

9-с ыйытыы: Ханнык хамаанданы “Селесте” дииллэрий?

Сөптөөх хоруй: Уругвай хамаандатын.

10-с ыйытыы: 1990 сыллааҕы чемпионат бастыҥ футболиһынан ким ааттаммытай?

Сөптөөх хоруй: итальянец Сальваторе Скилаччи.

11-с ыйытыы: Хаартыскаҕа кимий?

Сөптөөх хоруй: советскай вратарь Лев Иванович Яшин.

12-с ыйытыы: Кини аата Саха сирин кытта туох сыһыаннааҕый?

Сөптөөх хоруй: Яшин аата саха алмааһыгар иҥэриллибитэ.

13-с ыйытыы: 2018 сыллааҕы чемпионат талисмана кимий?

Сөптөөх хоруй: Забивака.

Аны бүгүн, бары кыттааччылар ыыппыт хоруйдарын тэҥнээн, ырытан көрөн баран, кыайыылааҕы быһаарыахпыт. Сайты кэтии сылдьыҥ.

«Дьулурҕан».