Иван Ярыгин-2023: Дагестантан 50-чэ бөҕөс тустуоҕа

Красноярскай. Көҥүл тустууга норуоттар икки ардыларынааҕы «Иван Ярыгин кубога» күрэхтэһиигэ саамай элбэх кыттааччылаах хамаанданан – Дагестан Республикатын хамаандата буолар.

Бүгүн кинилэр бастакы бөлөхтөрө Красноярскайга көтөн кэллэ. Барыта 22 спортсмен, тренердэр, судьуйалар, быраастар уонна суруналыыстар.

Эһиги бу көрөр хаартыскаҕытыгар Заур Угуев, Абасгаджи Магомедов, Курбан Шираев, Магомед Курбанов, уо.да. биллэр бөҕөстөр бааллар.

Биллэрин курдук, Красноярскайдааҕы тустууга Дагестантан барыта 50-чэ бөҕөс кыттар.

Санатан эттэххэ, бүгүн киэһэ «Иван Ярыгин кубогар» бары ыйааһыннарга сэрэбиэй оҥоһуллан тахсыаҕа. Онтон сарсын, тохсунньу 26 күнүгэр, Дьокуускай бириэмэтинэн күнүс 13:00 чаастан күрэхтэһии саҕаланар. Бастаан көбүөргэ эр дьоҥҥо 57, 61, 70 кг, дьахталларга 50, 55, 59, 65 кг ыйааһыннаахтар тахсыахтара.

«Дьулурҕан».

Добавить комментарий

Ваш адрес email не будет опубликован. Обязательные поля помечены *