Иван Кычкиҥҥа өйдөбүнньүк бэлиэ туруорулунна

Дьокуускай куорат Дзержинскэй уулуссатын 15 №-дээх дьиэтин көстүүлээх сиригэр – Саха сирин народнай суруйааччыта В.С. Соловьев – Болот Боотур, биллиилээх суруналыыс, суруйааччы Ю.А. Чертов өйдөбүнньүк бэлиэлэригэр кэккэлэһэ, эмиэ бу дьиэҕэ олоро сылдьыбыт киһиэхэ кэриэстэбил быһыытынан саҥа бэлиэ туруорулунна. Кини кимий?

Иван Семенович Кычкин – биллиилээх спортивнай суруналыыс, ССРС Суруналыыстарын сойууһун чилиэнэ. Кини уһун сыллар усталарыгар «Эдэр коммунист», «Кыым», «Саха сирэ» хаһыаттарга айымньылаахтык үлэлээбитэ, «Саха сирин тустууктара» (1969), олимпийскай чемпион Роман Дмитриев туһунан «Аан дойду чемпиона» (1974) кинигэлэр ааптардара. Саха АССР Суруналыыстарын сойууһун Бырабылыанньатын «Кыһыл көмүс бөрүө» бириэмийэтин лауреата.

Өйдөбүнньүк бэлиэ И.С. Кычкин оҕолорун көҕүлээһининэн Саха Республикатын физическэй культураҕа уонна спорка министиэристибэтин үбүлээһининэн туруорулунна.

Петр ПАВЛОВ.

Добавить комментарий

Ваш адрес email не будет опубликован. Обязательные поля помечены *