Билсиҥ, физкультурнай хамсааһын 100 сылын бэлиэтэ

Билэргит курдук, 2023 сылга биһиги республикабытыгар физкультурнай хамсааһын 100 сыллаах кэрэ бэлиэ түгэнэ киэҥник бэлиэтэниэ. Онно хайысхаланан, элбэх тэрээһиннэр, күрэхтэһиилэр, түмсүүлэр былааннанан, үлэ номнуо саҕаланна.

Маныаха, бу өрөгөйдөөх кэрэ түгэҥҥэ анаан бэлиэ оҥоһуллубута. Бэлиэни Россия архитектордарын сойууһун чилиэнэ, элбэх спортивнай тэрээһиннэр эмблемаларын уонна улуу тренердэр Дмитрий Коркин, Артур Пахомов, олимпийскай чемпион Роман Дмитриев пааматынньыктарын ааптара, архитектор Сергей Лукин оҥордо.

2021 сыл бүтүүтэ, Саха сиригэр физическай культура хамсааһына тэриллибитэ 100 сылыгар анаан бэлиэни оҥорорго республикатааҕы айар дьон конкурстарыгар кыттыбытым уонна кыайыылааҕынан тахсыбытым, – диир Сергей Иннокентьевич. – Бэлиэҕэ сүрүн болҕомто «100» сыыппараҕа ууруллар. Сыыппара күрэс былдьаһыы, спорт түһүлгэтин ойуутун санатар. Сүүрэн иһээччилэр көстүүлэрэ инникигэ дьулууру, республикаҕа спорт сайдыытын хамсааһынын көрдөрөр. Үбүлүөйдээх бэлиэ Саха Республикатын былааҕын өҥүнэн киэргэтилиннэ.

Дьэ, онон 2023 сыл спорка тэрээһиннэрэ историяны кэрэһилээн, эдэр ыччаты чэгиэн-чэбдик олоххо угуйан, бу бэлиэнэн ыытыллыахтара.

«Дьулурҕан».

 

Добавить комментарий

Ваш адрес email не будет опубликован. Обязательные поля помечены *