«Азия оҕолоро-2022»: Тустууктарбытыгар эрэнэбит!

«Азия оҕолоро» норуоттар икки ардыларынааҕы VII спортивнай оонньуулар Владивосток куоракка үгэннээн ыытыллар тураллар. Оттон көҥүл тустуу күрэхтэһиитэ программа быһыытынан от ыйын 31 – атырдьах ыйын 2 күннэригэр «Фетисов Арена» концертыыр-спортивнай комплексыгар ыытыллар.

Оонньуулары төрүттээбит республика көҥүл тустууга сүүмэрдэммит хамаандатын састааба маннык:

38 кг: Эрхан Куличкин – Дьокуускай. 2008 сыллаахха төрөөбүтэ. Тренерэ – Н.Г. Яковлев.

44 кг: Рома Кириллин – Сунтаар. 2007 с.т. Тренердэрэ – А.Н. Семенов, Н.Р. Данилов.

52 кг: Максим Григорьев – Уус Алдан. 2007 с.т. Тренерэ – С.Г. Петухов.

57 кг: Артур Попов – Чурапчы. 2007 с.т. Тренерэ – Ю.В. Афанасьев.

62 кг: Толя Иванов – Сунтаар. 2007 с.т. Тренерэ – П.С. Павлов.

68 кг: Дима Павлов – Дьокуускай. 2007 с.т. Тренерэ – Н.Р. Крылов.

85 кг: Айаал Дьячковскай – Чурапчы. 2007 с.т. Тренерэ – И.С. Петров.

Хамаанда сүрүн тренерэ – Кузьма Афанасьевич Сивцев.

Санатан эттэххэ, ааспыт 2016 с. «Азия оҕолоро» оонньууларга Саха сирин көҥүл тустууга хамаандата барыта 13 мэтээли ылары ситиспитэ. Ол курдук, Дима Илларионов (35 кг), Любомир Ашеин (38 кг), Айсен Никифоров (46 кг) – кыһыл көмүс, Егор Вензель (38 кг), Олег Фомин (42 кг), Никита Софронов (58 кг), Албан Аввакумов (63 кг) – үрүҥ көмүс, Дима Григорьев (35 кг), Эльшад Агаев (42 кг), Уйгулан Иванов (54 кг), Артем Аммосов (63 кг), Максим Любянецкай (76 кг) уонна Николай Борисов (85 кг) – боруонса мэтээллэммиттэрэ.

Бу да сырыыга тустуук оҕолорбутугар ситиһиилээх кыттыыны баҕарабыт!

Петр Павлов.

Добавить комментарий

Ваш адрес email не будет опубликован.