Айаал Лазарев – “Тустуу сулустара” түһүлгэҕэ

Сарсын, ахсынньы 18 күнүгэр Казахстан Астана куоратыгар спортивнай тустууга Wrestling Stars диэн саҥа, сонун күрэхтэһии ыытыллар. Манна Россия, Беларусь, Кыргызстан, Узбекистан, Румыния, Эквадор, Казахстан көҥүл уонна гректии-римнии тустууга биллэр спортсменнара анал ыҥырыы быһыытынан кэлэн кыттыахтара.

Кинилэр ортолоругар олимпийскай чемпион Роман Власов (Россия), олимпийскай призёрдар Нурислам Санаев (Казахстан), Ибрагим Саидов (Беларусь), Ихтиёр Новрузов (Узбекистан), Даулет Шабанбай (Казахстан), Акжол Махмутов (Кыргызстан), Акжурек Танатаров (Казахстан) уо.д.а. ааттаах-суоллаах тустууктар бааллар. Күрэхтэһии – спортсменнар биирдиитэ сирэй көрсүүлэрин быһыытынан ыытыллар.

Бу хапсыһыыларга биһиги биир дойдулаахпыт, көҥүл тустууга Азия чемпионатын биэс мэтээлин хаһаайына (1 кыһыл көмүс, 1 үрүҥ көмүс, 3 боруонса), Аан дойду Кубогын биирдиилээн бастыыр иһин күрэхтэһиитин үһүс призёра, икки Олимпиада кыттыылааҕа Айаал Лазарев тустар.

Саха тустуутун историятыгар, ыарахан ыйааһыҥҥа саамай улахан ааттаах-суоллаах тустуукпутугар ситиһиилээх кыттыыны баҕарабыт!

«Дьулурҕан».

Добавить комментарий

Ваш адрес email не будет опубликован. Обязательные поля помечены *