Оҕолорго республика чемпионата

Балаҕан ыйын 21-27 күннэригэр республика оҕолорго саахымакка чемпионата  ыытылынна. Хаҥалас, Уус-Алдан, Чурапчы, Мэҥэ-Хаҥалас, Таатта, Бүлүү, Өлүөхүмэ, Кэбээйи, Нам, Амма улуустарын уонна киин куоратт 143 оҕолоро саастарынан алта бөлөхтөрүнэн арахсан классическай саахымакка күрэхтэстилэр.

Аччыгый бөлөххө 2019  сылтан аллараа төрөөбүттэргэ сэттэ эрэ уол оҕо уонна биэс эрэ кыыс кытыннылар. Петя Архипов биир эрэ хотторуулаах холкутук бастаата, 4,5 очукуону хомуйбут киин куорат оҕолорго үһүс призера Миша Яровенко иккис буолла, үhүс миэстэни 3,5 очукуолаах Айысхан Филиппов ылла.

Кыргыттарга киин куорат быйылгы чемпионката Айсаара Павлова чемпионка аатын ылла, коэффициенынан хотторбут Алиса Чучина (Мэҥэ-Хаҥалас улууһа) иккис буолла. Үһүс миэстэни киин куорат быйылгы үһүс призера Мирослава Сидорова ылла.

11 саастаах бөлөхтөрүгэр 21 уол уонна 13 кыыс  кытынна. Чемпион аатын бары тоҕус утарсааччытын кыайталаабыт Симонян Давид кыахтаахтык бастаата, 6,5 очукуолаах Алеша Желонкин иккис буолла, үhүс миэстэҕэ Уус-Алдантан сылдьар алта очукуону хомуйбут Эрхаан Алексеев – Данил Стручковы коэффициенынан баһыйан тигистэ.

Кыргыттарга сэттэ аҥаар очукуолаах Дайаана Охлопкова (Уус-Алдан улууһа) бастаата, Тааттаттан сылдьар Карина Кутугутова сэттэ очукуону хомуйан иккис буолла, үһүс миэстэни коэффициенан хотторбут Арчылаана Протопопова (Уус-Алдан улууһа) ылла. Киин куорат кыргыттара миэстэҕэ тиксибэтилэр.

13 саастаахтар бөлөхтөрүгэр 25 уол уонна 11 кыыс кытынна. Педьесталга киин куорат оҕолоро таҕыстылар. Биирдэ эрэ тэҥнэспит Тимур Слепцов чемпион аатын холкутук ылла. Киин куорат оҕолорго үһүс призера Афоня Мексяров иккис миэстэҕэ тигистэ. Киин куорат оҕолорго быйылгы чемпиона Ваня Федоров үһүс миэстэнэн дуоһуйда. Дьокуускай оҕолорго быйылгы үһүс призера Вика Марданова алта аҥаар очукуону хомуйан киин куоракка бастаабыт Алиса Харлампьеваны коэффициенынан кыайан бастаата, киин куорат иккис призера биэс очукуолаах Диана Владимирова үһүс буолла.

15 саастаахтар бөлөхтөрүгэр 24 уол уонна 10 кыыс кытынна. Чемпион аатын Рома Андриевскай сэттэ аҥаар очукуону хомуйан ылла. Киин куорат чемпиона сэттэ очукуолаах Сеня Григорьев иккис буолла. Үһүс миэстэҕэ  Оконешников Тимур алта аҥаар очукуону хомуйан тигистэ. Куорат чемпионката Алена Румянцева биир эрэ тэҥнэһиилээх республика чемпионкатынан холкутук буолла. Хаҥалас кыргыттара аҕыс очукуолаах Никифорова Юлиана – иккис, сэттэ аҥаар очукуолаах Ильясова Алиса – үһүс буоллулар.

17 саастаахтар бөлөхтөрүгэр 12 уол уонна 7 кыыс кытынна. Киин куорат саахыматчыта Саша Иванов алта очукуону хомуйбут холкутук бастаата, Хаҥаластан сылдьар 5,5 очукуолаах Леня Каскевич – иккис, коэффициенынан Уран Белоусов – үһүс буоллулар. Россия кыргыттарга призера Валерия Слепцова биирдэ эрэ тэҥнэһэн республика чемпионкатынан холкутук буолла. Биир очукуонан хаалбыт Юлиана Максимова (Чурапчы улууһа) – иккис уонна үс аҥаар очукуону хомуйбут Наташа Михайлова (Таатта улууһа) — үһүс  буоллулар.

19 саастаахтарга дылы бөлөххө сэттэ эрэ кыттааччылаах буолла, олортон үһэ кыргыттар. Уолаттарга утарсааччыларын барыларын хоппут Артур Васильев холкутук кыайда. Бүлүүттэн сылдьар Сарыал Васильев киниэхэ эрэ хотторон – иккис, балтараа очукуолаах Петя Игнатьев (Кэбээйи улууһа) – үһүс буоллулар. Кыргыттарга үс аҥаар очукуолаах  Аргунова Сайаана  чемпионка буолла. Коэффициенынан хотторбут Настя Каплич (Хаҥалас улууһа) – иккис, биир очукуолаах Айыына Слепцова (Дьокуускай) — үһүс буоллулар.

Балаҕан ыйын 26 күнүгэр түргэн саахымакка алын бөлөххө 17 оҕолор күрэхтэстилэр. Уолаттарга классическай саахымакка оонньуу педьестала хатыланна. Кыргыттарга биэс аҥаар очукуолаах Мирослава Сидорова бастаата,биэс очукуолаах Амелия Барашкова (Дьокуускай)– иккис, коэффициенынан хотторбут Чучина Алиса – үһүс буоллулар.

11 саастаахтар бөлөхтөрүгэр 24 уол уонна 10 кыыс  кытынна. Бары тоҕус утарсааччытын кыайталаабыт Симонян Давид кыахтаахтык бастаата, 7 очукуолаах   Алеша Желонкин  иккис буолла, үhүс миэстэҕэ  алта очукуону аҥаар очукуону  хомуйбут киин куорат оҕолорго быйылгы чемпиона Ксенофонтов Сергей  тигистэ. Кыргыттарга бары тоҕус утарсааччыларын кыайталаабыт киин куорат кыргыттарга чемпионката Каролина Готовцева кыахтаахтык бастаата,  иккис миэстэни киниэхэ эрэ хотторбут Арчылаана Протопопова (Уус-Алдан улууһа) ылла. Үһүс миэстэҕэ киин куорат иккис призера Кира Гуляева алта очукуону хомуйан тигистэ.

13 саастаахтар бөлөхтөрүгэр 28 уол уонна 10 кыыс кытынна. Аҕыс очукуолаах Ярослав Семенов Ваня Федоровы коэффициенынан баһыйан чемпион аатын  ылла. Сэттэ очукуону хомуйбут Тимур Слепцов үһүс миэстэ буолла. Бу бөлөх кыргыттарыгар киин куорат кыргыттара бары педъесталга таҕыстылар. Бары тоҕус утарсааччыларын хоппут Алиса Харлампьеваны олус кыахтаахтык инники түстэ, бүтэһик туур иннинэ бастыыра биллибитэ. Киниттэн икки очукуо хаалбыт  Диана Владимирова – иккис, алта очукуолаах Вика Марданова — үһүс буоллулар.

15 саастаахтар бөлөхтөрүгэр 27 уол уонна 9 кыыс кытынна. Чемпион аатын аҕыс аҥаар очукуолаах Сеня Григорьев Рома Андриевскайы коэффициенынан баһыйан ылла. Киин куорат чемпиона сэттэ очукуолаах Сеня Григорьев иккис буолла. Үһүс миэстэҕэ  Петров Тимур алта аҥаар очукуону хомуйан тигистэ. Республика чемпионката Алена Румянцева бары аҕыс утарсааччыларын хотуталаан түргэн саахымакка республика чемпионкатынан холкутук буолла. Хаҥалас кыргыттара алта аҥаар очукуолаах Никифорова Юлиана – иккис, биэс аҥаар очукуолаах Ильясова Алиса – үһүс буоллулар.

17 саастаахтар бөлөхтөрүгэр 18 уол уонна 6 кыыс кытынна. Киин куорат саахыматчыта Саша Иванов аҕыс аҥаар очукуону хомуйан холкутук бастаата, иккис миэстэни Деркембаев Айрат 7,5 очукуону хомуйан ылла, 7 очукуолаах Леня Каскевич  – үһүс буоллулар. Россия кыргыттарга призера Валерия Слепцова бары утарсааччыларын кыайталаан түргэн саахымакка республика чемпионкатынан холкутук буолла.Биир очукуонан хаалбыт Юлиана Максимова (Чурапчы улууһа) – иккис уонна үс  очукуону хомуйбут Кристина Максимова (Таатта улууҺа) — үһүс  буоллулар.

19 саастаахтар бөлехтөрүгэр аҕыс эрэ кыттааччы күрэхтэстэ, олор истэригэр кыргыттар үһүөлэр эрэ.  Бары утарсааччыларын кыайталаабыт Сайаана Аргунова бастаата. Киниэхэ эрэ хотторбут Артур Васильев иккис. Биэс очукуолаах Петр Игнатьев – үһүс буолла. Кыргыттарга   Аргунова Сайаана  чемпионка буолла, Настя Каплич  – иккис, Айыына Слепцова – үһүс буоллулар.

Балаҕан ыйын 27 күнүгэр сарсыардаттан саахымат композицияларын суоттааһыҥҥа күрэхтэһиитигэр 93 оҕо кытынна.

Алын бөлөххө киин куорат оҕолоро бастаатылар. Уолаттарга Айысхаан Филиппов – чемпион, иккис призерынан Миша Яровенко уонна үһүс призерынан Саша Алексеев буоллулар. Кыргыттарга чемпионка аатын Мирослава Сидорова ылла, Айсара Павлова – иккис призер буолла.

11 саастаах бөлөхтөрүгэр уолаттарга чемпион аатын Симонян Давид кыахтаахтык ылла, Тааттаттан сылдьар Даниил Кондратьев  иккис буолла, үhүс миэстэҕэ  Данил Стручков тигистэ. Кыргыттарга чемпионка аатын Арчылаана Протопопова ылла, Жатайтан сылдьар Блохина Маша — иккис, Каролина Готовцева үһүс миэстэни  ыллылар.

13 саастаахтар бөлөхтөрүгэр пьедестал киин куорат оҕолоро таҕыстылар. Уолаттарга Костя Колокольцев чемпион буолла. Ярослав Семенов иккис миэстэҕэ тигистэ. Тимур Слепцов үһүс миэстэ буолла. Кыргыттарга чемпионка аатын Алиса Харлампьева ылла. Вика Марданова иккис миэстэ буолла, Диана Владимирова үһүс буолла.

15 саастаахтар бөлөхтөрүгэр уолаттарга чемпион аатын Сеня Григорьев сүктэ, Ильдар Азаргинов иккис буолла. Үһүс миэстэҕэ Тааттаттан сылдьар АйталПавлов тигистэ. Кыргыттарга Никифорова Юлиана кыайда, иккис миэстэни Ильясова Алиса ылла, Алеся Сысолятина (Таатта) үһүс буолла.

17 саастаахтар бөлөхтөрүгэр уолаттарга Саша Иванов эмиэ бастаата, Леня Каскевич – иккис, Айрат Деркембаев – үһүс буоллулар. Чурапчы кыргыттара  өрөгөйдөөтүлэр – чемпионка аатын Юлиана Максимова ылла, Мичийэ Попова – иккис уонна Кристина Максимова – үһүс  буоллулар.

19 саастаах уолаттарга  Артур Васильев холкутук кыайда. Сарыал Васильев – иккис, Петя Игнатьев – үһүс буоллулар. Кыргыттарга Настя Каплич кыайыылаах буолла.

Ити күн эбиэт кэннэ блиц-турнига күрэс былдьастылар. Алын бөлөххө 9  кыттааччылаах буолла, олор истэригэр кыыһа үс эрэ. Петя Архипов биир да хотторуута суох чемпион аатын ылла, иккис призерынан киниэхэ эрэ хотторбут Миша Яровенко уонна үһүс призерынан түөрт очукуолаах Айысхаан Филиппов буоллулар. Кыргыттарга чемпионка аатын Алиса Чучина түөрт очукуону хомуйан ылла, очукуо аҥаарынан хаалбыт Мирослава Сидорова – иккис призер уонна очукуо аҥаардаах Айсара Павлова – үһүс призер буоллулар.

11 саастаах бөлөхтөрүгэр 13 уолаттарга Симонян Давид сэттэ утарсааччыларын барыларын кыайан чемпион аатын кыахтаахтык ылла, биэс  очукуолаах  Алеша Желонкин  иккис буолла, үhүс миэстэҕэ коэффициенынан хотторон Данил Стручков тигистэ. Биэс кыргыттарга чемпионка аатын Арчылаана Протопопова биир да хотторуута суох  ылла, Жатайтан сылдьар икки очукуолаах Блохина Маша – иккис, коэффициенынан хотторбут Кира Гуляева үҺүс миэстэни  ыллылар.

13 саастаахтар бөлөхтөрүгэр 17 уол уонна 7 кыыс кытыннылар. Пьедесталга киин куорат оҕолоро таҕыстылар. Уолаттарга биир эрэ тэҥнэһиилээх Ваня Федоров чемпион буолла. Очукуо аҥаарынан хаалбыт Тимур Слепцов иккис миэстэҕэ тигистэ. Костя Колокольцев алта аҥаар очукуону хомуйан үһүс миэстэ буолла. Кыргыттарга чемпионка аатын алта утарсааччыларын кыайан Алиса Харлампьева ылла. Биир очукуонан хаалбыт Вика Марданова иккис миэстэ буолла,үс очукуолаах Диана Владимирова коэффициент көмөтүнэн үһүс буолла.

15 саастаахтар бөлөхтөрүгэр 17 уолаттартан чемпион аатын Сеня Григорьев сүктэ, кини тоҕус утарсааччытын баһыйда, бүтэһик тур иннигэр бастыыра биллибитэ. Сэттэ очукуолаах Рома Андриевскай иккис буолла. Үһүс миэстэҕэ   Тимур Оконешников алта аҥаар очукуону хомуйан тигистэ. Сэттэ кыргыттарга биэс очукуолаах Никифорова Юлиана кыайда, иккис миэстэни Чурапчыттан сылдьар Романова Амелия коэффициенынан хотторон ылла, кинилэртэн очукуо хаалан Айталина Сивцева (Мэҥэ-Хаҥалас улууһа) үһүс буолла.

17 саастаахтар бөлөхтөрүгэр кыттыбыт уон уолаттарга тоҕус утарсааччытын тулуппата, Саша Иванов эмиэ бастаата, киниэхэ эрэ хотторбут Леня Каскевич – иккис, биэс очукуолаах Уран Белоусов – үһүс буоллулар. Алта кыттыбыт кыргыттарга чемпионка аатын Кристина Максимова ылбыта соһуччу буолла, иккис турга харанан оонньоон рейтинг фаворитканы В.Слепцованы кыайда. Киниэхэ эрэ хотторбут Валерия Слепцова иккис миэстэнэн дуоһуйда. Бастаабыттарга эрэ хоторбут Юлиана Максимова – үһүс буолла.

19 саастаахтар бөлөхтөрүгэр үстүү уол уонна үстүү кыыс кыттаннар бары бириистээх миэстэлэргэ тигистилэр. Уолаттарга  Артур Васильев холкутук кыайда. Сарыал Васильев – иккис, Петя Игнатьев – үһүс буоллулар. Кыргыттарга чемпионка аатын Сайаана Аргунова холкутук ылла. Настя Каплич иккис призер буолла уонна үһүс миэстэҕэ Айыына Слепцова тигистэ.

Петр ЯКОВЛЕВ.