Көтөр мээчик күөрэйэ турдун!

Бэҕэһээ, балаҕан ыйын 6 күнүгэр «Саталбытыгар» номнуо алтыс төгүлүн көтөр мээчиги таптааччылары түмэр күрэхтэһиини тэрийэн ыыттыбыт. Уопсайа 4 хамаанда кыттыыны ылла.

Күммүт-дьылбыт да туран биэрэн, кыттааччылар санаалара көтөҕүллэн, тыҥааһыннаах киирсиилэри көрдөрдүлэр.

Түмүккэ, «Лучший нападающий» Дарья Николаева, Арылхан Федоров, «Лучший разыгрывающий» Светлана Говорова, Айтал Жерготов, «Лучшая защита» Геля Семенова, Александр Бястинов, «Приз зрительских симпатий» Айтал Жерготов, «Перспективный игрок» Рая  Прудецкая, Сергей Корнилов ааттаннылар. «Полезный игрок» номинацияҕа тиксибиттэр эмиэ сыаналаах бириистэринэн бэлиэтэннилэр.

Күрэхтэһии сүрүн судьуйата Айсен Жерготов турнир сыл аайы таһыма үрдээн иһэрин, волейбол араас көлүөнэ дьону түмэрин тоһоҕолоон бэлиэтээтэ.

Быйылгы күрэххэ харчынан, бирииһинэн көмө оҥорбут дьоммутугар «Кустук», «Тундра», «Айта +» , «Крестьянка» маҕаһыыннарга, «Автобаза» автосервис  салайааччытыгар Петр Новгородовка, бэйэбит  уолаттарбытыгар Василий Слепцовка, Василий Яковлевка. Александр Намыҥҥа уонна тэҥҥэ оонньуу сылдьар волейбол фанаттарыгар  бырааттыы-убай Айсен, Евгений Жерготовтар, Бястиновтар, Семеновтар дьиэ кэргэттэригэр, Тимофей Левиҥҥэ барҕа махталбытын тиэрдэбит.

Ити курдук, быйылгы сайыҥҥы волейбол сезона үөрүүлээх быһыыга- майгыга түмүктэннэ. Көтөр мээчик сүгүрүйээччилэрин ахсааннара элбии турдун! Эһиилги сезоҥҥа көрсүөххэ диэри!

Екатерина БЯСТИНОВА.