Биллиилээх бөҕөскө сүгүрүйэн…

Балаҕан ыйын 12 күнүгэр – Эдьигээн улууһун төрүттэммит күнүгэр үөрүүлээх тэрээһиннэр чэрчилэринэн, албан аатырбыт биир дойдулаахтара, сахаттан бастакы олимпийскай чемпион Роман Михайлович Дмитриев бииргэ төрөөбүт убайа – эмиэ бэйэтин кэмигэр көҥүл тустууга ССРС сүүмэрдэрдэммит хамаандатыгар киирэ сылдьыбыт биллиилээх бөҕөс Гавриил Дмитриев бюһун аһыы сиэрэ-туома буолла.

Бэлиэ түгэҥҥэ улуус баһылыга Василий Николаевич Сорокин, Эдьигээн общественноһа, спорт бэтэрээннэрэ, оскуола оҕолоро кыттыыны ыллылар.

Бу тэрээһини – Саха сиригэр көҥүл тустуу сайдыбыта 70 сылыгар сыһыаран этиэххэ эмиэ сөп. Этэргэ дылы, ким да умнуллубат, туох да умнуллубат.

Тустуук Гавриил Дмитриев (1948-1984) – ССРС спордун норуоттар икки ардыларынааҕы кылаастаах  маастара, ССРС икки төгүллээх чемпиона (1970-1971), Доҕордуу армиялар спартакиадаларын кыайыылааҕа (1969), РСФСР чемпиона (1974), Саха АССР чемпиона (1968, 1974, 1975, 1976), тренердэрэ — Н.П. Габышев, Д.П. Коркин, С.А. Преображенскай. 

Петр ПАВЛОВ.