Биэнсийэлээхтэр спартакиадаларыгар

Пенза. Балаҕан ыйын 3 күнүгэр мандатнай комиссия докумуоннары бэрэбиэркэлээтэ уонна көрүҥнэринэн жеребьевка ыытылынна, нүөмэрдэри түҥэттэ. Ол кэннэ 15:30 м судейскай мунньах хамаанда салайааччылара уонна күрэхтэһии судьуйаларын кытта ыытыллыбыта.

Мунньахха республикаҕа ыытыллыбыт Спартакиада элбэх киһини, хаьан ыытыллыбытын Спартакиада сүрүн тэрийээччитэ Владимир Игорьевич Клоницкай үчүгэйинэн сыаналыырын эттэ. Сорох улахан киһилээх регионнар аҕыйах киһини хаппыттарын, үлэни өссө күүскэ ыытыллыан сөбүн бэлиэтээтэ.

Сарсыныгар дартс уонна ГТО күрэхтэһиитэ буолла. Хамаанда 8 киһитэ барыта кытынна. Ол гынан, 2 эр киһи, 2 дьахтар үчүгэй результатын ылан түмүк тахсар.

Сорох хамаандалар бүгүн ГТО туттараллар, дартс быраҕаллар. Ол иһин түмүк тахса илик.

Киэһэ 17:00 Россия XI пенсионердарын Спартакиадатын үөрүүлээх аһыллыыта буолбута. Парадка хамаандаттан 2 киһи талыллар, хамаанда салайааччыта Зинаида Афанасьева уонна Еремей Куприянов национальнай таҥастарын кэтэн киирэн хаампыттара. Атын хамаанда састааба национальнай таҥастарын кэтэн саалаҕа олорбуттара.

Бэһис чыыһылаҕа 10:00 чаастан комбинированный эстафета ыытыллыбыта, онно 28-с миэстэ буоллубут.

11:00 ч. харбааһыҥҥа Анатолий Винокуров 29-с, Дария Федорова 39-с миэстэлэннилэр.

12:00 ч. буулдьанан ытыыга Валентина Сокольникова – 11-с миэстэ, Айал Захаров 21-с миэстэ.

14:00 ч. остуол тенниһин күрэхтэһиитэ. Маҥнайгынан күрэхтэспиттэрэ 70-тан үөһээ саастаах спортсменнар.

16:00 ч. 70-гар диэри саастаах спортсменнарга күрэхтэһэн Александра Тутаева иккитэ кыайан, группатыгар бастаан, финалга таҕыста. Ол эбэтэр, 15 күүстээхтэр ахсааннарыгар киирдэ, Еремей Куприянов биир кыайыы, икки хотторуу – финалга тахсыбата. Ол гынан, салгыы үчүгэйдик оонньоотоҕуна 16-с миэстэ буолуон сөп.

14:00 ч. саахымат күрэхтэһиитэ ыытыллыбыта, атын спорт саалаҕа. Дмитрий Мосорин, Наталья Аржакова иккиэн 2-тэ кыайдылар, 2-тэ хоттордулар.

Владимир Игорьевич ыҥыран ылан республикаҕа ыытыллыбыт Спартакиаданы ыйыталаста. Аҕыйах киһилээх регион хайдах элбэх киһини хаптыгыт диэн ыйыппытыгар, барытын быһааран, кэпсээн биэрбиппит кэннэ, сөҕөрүн, махтанарын биллэрдэ. Мунньах кэмигэр республикабытын хайҕаата.

Балаҕан ыйын 6 күнүгэр 10:00 ч. – 1000 м сүүрүү, саахымат, остуол тенниһэ ыытыллар.

СР сүүмэрдэммит хамаандатын салайааччыта Зинаида Егоровна АФАНАСЬЕВА.