Саха мадьынылара түөрт мэтээллээхтэр

Монголия Архангай аймагар «ARA Power Cup» фестиваль чэрчитинэн мас-рестлиҥҥэ норуоттар икки ардыларынааҕы турнир ыытылынна.

Бу түһүлгэҕэ Россия хамаандатын аатыттан Саха сирин мадьынылара кытыннылар. Кинилэртэн Эрик Пермяков 65 киилэҕэ бастаата. Оттон Сергей Фролкин иккис, Константин Жирков уонна Гарри Сдвижков үһүс миэстэлэри ыллылар.

Манна сыһыары тутан эттэххэ, кыайыылаахтар 2500 долларынан, иккистэр 1500, үһүстэр 1000 долларынан наҕараадаланнылар.

Күрэхтэһии түмүк көрдөрүүтэ:

65 кг: 1. Эрик Пермяков (Россия, Саха сирэ), 2. Батбаяр Батжаргал (Монголия), 3. Урмат Кенешев (Кыргызстан) уонна Пурэвсурен Церенцогзол (Монголия).

75 кг: 1. Бекмырза Токтошев (Кыргызстан), 2. Отгонбат Отгонбаатар (Монголия), 3. Константин Жирков (Россия, Саха сирэ) уонна Чинзориг Мунхтуяа (Монголия).

90 кг: 1. Медеткан Уулу Эсенгул (Кыргызстан), 2. Шындаулет Мангаждар (Монголия), 3. Сеон Хо Ох (Со5уруу Корея) уонна Гарри Сдвижков (Россия, Саха сирэ).

125 кг: 1. Садам Икбай, 2. Буяндалай Ихбаяр (иккиэн Монголия), 3. Элони Вунакец (Австралия) уонна Джастин Ковеней (Филиппины).

+125 кг: 1. Эдвард Уильямс (Новай Зеландия), 2. Сергей Фролкин (Россия, Саха сирэ), 3. Абдел Есангулов (Кыргызстан) уонна Амгаланбаатар Бад (Монголия).

«Дьулурҕан».