Константин Капрынов боруонса иһин тустуоҕа

Москваҕа, көҥүл тустууга Россия чемпионатын иккис күнүгэр бэҕэһээ саҕалаабыт биэс ыйааһыҥҥа маҥнай санааны уоскутар киирсиилэр, оттон түүн – мэтээл иһин быһаарыылаах хапсыһыылар буолуохтара.

Биһиги бөҕөстөрбүтүттэн хамаанда хапытаана Константин Капрынов 70 киилэҕэ финалга тахсар иһин киирсиигэ дагестанец Азнаур Таваевка хотторон кэбиһэн, бүгүн боруонса мэтээл иһин тустуоҕа.

Ону тэҥэ, олимпийскай чемпион Заур Угуевка сабырыйтарбыт Александр Авелов 61 киилэҕэ уонна эдэр талааннаах бөҕөс Исмаил Ханиевка хотторбут Андриан Ленскэй (79 кг) – санааны уоскутар бөлөххө тустуохтара.

Ол курдук, Александр Авелов маҥнай дагестанец Рабадановтыын киирсиэҕэ, онно кыайдаҕына бурят Сультимовтыын хапсыһыа. Кинилэри боруонса мэтээл иһин киирсиигэ тувинец Кежик Монгуш кэтэһэн олорор. Оттон Андриан Ленскэй — Никита Сучковтуун (Красноярскай) тустуоҕа. Бу бөлөххө өссө Абдусаламов, Сайдулов бааллар.

Быһаарыылаах хапсыһыыга киирсиэхтэрэ:

61 кг: Заур Угуев (Дагестан) — Рамиз Гамзатов (Дагестан, Ставропольскай кыраай)

70 кг: Азнаур Таваев — Ибрагим Ибрагимов (иккиэн Дагестан)

79 кг: Ахмед Усманов — Исмаил Ханиев (иккиэн Дагестан)

92 кг: Аманула Гаджимагомедов (Дагестан) — Азамат Хадзарагов (Запорожскай уобалас).

Чемпионат бүгүҥҥү хапсыһыылара Дьокуускай бириэмэтинэн киэһэ 17:00 чаастан саҕаланаллар.

PS: Бөҕөстөрбүт хапсыһыыларын видеоларын «Дьулурҕан» телеграмҥа каналыгар t.me/dzulurgan көрүөххүтүн сөп.

«Дьулурҕан» хаһыат сайтыгар көҥүл тустууга Россия чемпионатын туһунан:

Көҥүл тустууга Россия чемпионатыгар — Ссылка: https://dzulurgan.ru/2026/07/k%d3%a9%d2%a5%d2%afl-tustuuga-rossiya-chempionatygar/ 

Бастакы күн: бүгүн кимнээх тусталларый? — Ссылка: https://dzulurgan.ru/2026/07/b%d2%afg%d2%afn-kimneeh-tustallaryj/

Иккис күн: кимнээх тусталларый? — Ссылка: https://dzulurgan.ru/2026/07/ikkis-k%d2%afn-kimneeh-tustallaryj/

Петр ПАВЛОВ.