Конкурска кимнээх инники иһэллэрий?

Билэргит курдук, бэс ыйын 11 күнүттэн саҕалаан футболга аан дойду чемпионата үгэннээн ыытылла турар. Бу, аан дойдуга киһи-аймах туохтааҕар даҕаны ордук биһириир бастакы нүөмэрдээх спордун көрүҥэр улахан таһымнаах күрэхтэһиигэ анаан «Дьулурҕан» үгэс быһыытынан конкурс тэрийдэ.

Онуоха хаһыатынан уонна сайтынан биллэриллибит конкурска барыта 70 киһи кытынна.

Конкурс ыйытыылара маннык этилэр:

— Финалга ханнык хамаандалар тахсыахтарай? (Сөптөөх хоруйга 1-дии очко ааҕыллар)

— Ханнык хамаанда кыайыыны ситиһиэй? (2 очко)

— Ханнык ахсаанынан? (3 очко)

— Үһүс бириистээх миэстэни ханнык хамаанда ылыай? (1 очко).

— Чемпионат бастыҥ футболиһынан ким буолуой? (1 очко).

Билигин, финал чиэппэригэр ханнык хамаандалар киирсэллэрэ билиннэ:  

Франция – Марокко

Норвегия – Англия

Испания – Бельгия

Аргентина – Швейцария

Конкурска киирбит сылыктааһыннары көрдөххө, бу ааттаммыт хамаандалары талбыт дьон балаһыанньалара ордук курдук. Ол курдук, киһи үксэ эрдэттэн Франция, Аргентина, Испания, Англия финалга тахсар уонна чемпуоннуур диэбит. Дьэ, көрөн-истэн иһиэхпит. Хайалара хотон финалга тахсан кыайыы үөрүүтүн билэр эбитий.

Оттон Бразилия, Германия, Португалия, Нидерланды диэбиттэр мэлийдилэр.

Ити курдук, «Чемпионат бастын футболиһынан ким буолуой?» диэн ыйытыыга барыллаан көрүүнэн – Мбаппе, Месси, Кейн, Ямаль, Холланд диэбиттэр сэргэхсийиҥ. Оттон Криштиану Роналду, Винисиус Жуниор диэбиттэр сыыстардылар.

Сылыктааһыннары барыллаан ырытыы

Конкурска киирбит сылыктааһыннары ырытан көрдөххө, “Дьулурҕан” Евро-2024 ыыппыт конкурсун кыайыылааҕа Петр Федоров финалга Англия – Испания тахсар, Англия кыайар, Кейн бастыҥ футболиһынан буолар диэн билгэлээһинэ, билиҥҥи балаһыанньаны кытта тэҥнээн көрдөххө, чугас соҕус.

Ити курдук Nolan диэн никтаах киһи финалга Испания – Аргентина тахсыахтара диэбитэ эмиэ оруннаах курдук. Оттон Алёна Д Франция – Аргентина, өссө эбии Мбаппе диэбит сылыктааһына туолуон сөп.

Көҥүл тустууга ССРС спордун маастара Андрей Филиппов Испания – Аргентина, Ямаль; эмиэ Союз тустууга маастара Егор Бурцев Испания – Аргентина, Месси; Люба Франция – Аргентина, Мбаппе; Леонид Александров уонна Владлен Полятинскай Испания – Аргентина, Месси; биллиилээх суруналыыс Татьяна Бурцева Франция – Аргентина, Мбаппе; гроссмейстер Николай Стручков Испания – Англия, Ямаль; Прокопий Батюшкин Испания – Аргентина, Ямаль; Анна Франция – Аргентина, Мбаппе; Валентин Ким Франция – Англия, Кейн; көҥүл тустууга ССРС спордун маастара Николай Черкашин Франция – Аргентина, Мбаппе; Семен Оготоев Испания – Аргентина, Месси; Олег Кугданов уонна Ирина Франция – Аргентина, Мбаппе; Валериан Франция – Аргентина, Мбаппе; Савва Франция – Аргентина, Мбаппе… диэн билгэлээһиннэрэ сөптөөх курдук.

Дьэ, итинник курдук. Мин санаабар, конкурс кыайыылааҕынан бу ааттаммыт дьонтон биирдэстэрэ буолуоҕа. Конкурска киирбит билгэлээһиннэри «Дьулурҕан» хаһыат сайтыгар «Болҕойуҥ, конкурс: Ханнык хамаанда бастыай?» https://dzulurgan.ru/2026/06/bolҕojuҥ-konkurs-hannyk-hamaanda-bastyaj/ диэн суруйуу анныгар баар Комментарии киирэн көрүөххүтүн, бэйэҕит санааҕытын этиэххитин сөп. Ол эрэн, сорохтор, бэйэллэрин билгэлээһиннэрин итиннэ буолбакка, атын сиргэ ыытан кэбиһэн, уустуктары үөскэттилэр.

Санатан эттэххэ, кыайыылаах – спорт таҥаһынан эргинэр «IRON COLLECTION» маҕаһыын cпортивнай көстүүмҥэ сертификатынан наҕараадаланыаҕа.

Саха сирин олохтоохторо, дьон-сэргэ биһирэбилин ылбыт «IRON COLLECTION» маҕаһыын салалтата, чуолаан Макар Зырянов биһиги көрдөһүүбүтүн ылынан, конкурска бириис туруорбутугар барҕа махтал!

Петр ПАВЛОВ.

09.07.2026