Тургутук: Саха успуордун историятын төһө билэҕин?

“Дьулурҕаҥҥа” успуорт буолан ааспыт чахчыларыттан тургутугу (ыйытыгы) таһаарыыны салгыыбыт. Чэйиҥ, бэйэҕит билиигитин тургутан көрүҥ.

А. Аан дойду чөмпүйэнээтигэр Роман Дмитриев ханна бастаабытай?

1.1969 с. Аргентина. 2. 1970 с. Канада. 1973 с. Иран. 4. 1974 с. Турция

Б. «Социалистическая Якутия» хаһыат бирииһигэр сүүрүүгэ бастакы эстэпиэтэ Дьокуускайга 1944 с. ыам ыйын 7 күнүгэр ыытыллыбыт. Эстэпиэтэ сүрүннээн ханнык бэлиэ даатаҕа, түгэҥҥэ анаан тэриллибитий?

1.Сэбиэскэй бэчээт күнүгэр. 2. Аҕа дойду сэриитигэр Кыайыы чугаһаабытынан. 3. Араадьыйа күнүгэр анаан. 4. Сандал саас кэлбитинэн.

В. Европа түһүлгэтигэр саха бөҕөстөрүттэн ким элбэхтэ бастаабытай?

1.Роман Дмитриев. 2. Павел Пинигин. 3. Василий Гоголев. 4. Александр Контоев.

Г. Дуобакка Сэбиэскэй Сойуус финалыгар ким оонньооботоҕой?

1.Николай Саввинов. 2. Семен Николаев. 3. Альбина Аргунова. 4. Зоя Саввина.

Д. Саахымакка Саха сириттэн бастакы маастар ким этэй?

1.Владимир Афанасьев. 2. Михаил Афанасьев. 3. Мэндэ Таппыров. 4. Владимир Ястребов.

Е. 1965 сыллаахха волейболга Саха АССР сүүмэрдэммит хамаандата (эр дьон уонна дьахталлар) Дьокуускайга, ханнык тас дойдуну ыҥыран, аан маҥнай табаарыстыы көрсүһүүнү тэрийбитэй?

1.Корея. 2. Япония. 3. Монголия. 4. Кытай.

Ж. Биллиилээх тустуук, салайааччы Максим Сибиряков оҕо эрдэҕинээҕи таптал аата?

1.Бобоҕу. 2. Ханаас. 3.Лоҥку. 4. Махсыы.

“Дьулурҕантан”: тургутук анныгар баар Комментарии колонкаҕа бэйэҕит хоруйдаргытын суруйуоххутун сөп. Сөптөөх хоруйдары хаһыат аныгыскы нүөмэригэр таһаарыахпыт.

Тургутугу бэлэмнээтэ Степан АНДРЕЕВ.

Майа с.