Конкурска 70 киһи кытынна. Дьэ, ким бастыыр?

Билэргит курдук, бэс ыйын 11 күнүттэн саҕалаан футболга аан дойду чемпионата ыытылла турар. Бу, аан дойдуга киһи-аймах туохтааҕар даҕаны ордук биһириир бастакы нүөмэрдээх спордун көрүҥэр улахан таһымнаах күрэхтэһиигэ анаан «Дьулурҕан» үгэс быһыытынан конкурс тэрийдэ. Онуоха хаһыатынан уонна сайтынан биллэриллибит конкурска барыта 70 киһи кытынна.

Конкурска кимнээх бэйэлэрин билгэлээһиннэрин ыыттылар? (хоруйдарын ыыппыттарын бэрээдэгинэн):

Семен Жендринскэй, Федора Захарова, Василий Алексеев, Анастасия Алексеева, Виталий Буслаев, Петр Федоров, Леонтий Татаринов, Вадим, Андрей Неустроев, Алёна Д, Степан Г, Герман Шкулев, Иван Барашков, Айсен Молуков, Света, Михаил Максимов, Семен Рожин, Витя, Петр Захаров, Сардаана, Андрей Филиппов, Гаврил Попов, Гаврил Скрябин, Кока, Айтал Андреев, Александр Дьяконов, Михаил, Евгений Дьячковскай, Николай Колодезников, Айтал Григорьев, Иван Сивцев, Люба, Александр Попов, Анфиса Слепцова, Олег Баишев, Альберт Федоров, Андрей Александров, Николай Обулахов, Егор Бурцев, Татьяна Бурцева, Ылдьаа Скрябин, Николай Цыпандин, Леонид Александров, Григорий, Анатолий, Альберт Лукинов, Александр Черкашин, Гаврил Моисеев, Станислав Дьяконов, Владлен Полятинскай, Ирина, Иван Колесов, Николай Стручков, Алексей Бережнев, Валентин Ким, Прокопий Батюшкин, Анна, Ирина Хайдукова, Тэмин, Николай Черкашин, Валериан, Аида, Семен Оготоев, Петр Макаров, Анатолий, Олег Кугданов, Айсен Сысолятин, А.Р. Софронова, Ирина, Савва.

Ырытан көрдөххө, конкурс кыттааччыларын састааба күүстээх. Бу иннинээҕи «Дьулурҕан» футболга анаан ыыппыт конкурстарын кыайыылаахтара: Михаил Максимов, Федора Захарова, Петр Федоров, Иван Барашков, Айтал Андреев, Николай Фомин, Анфиса Слепцова бааллар. Өссө мин 1992 сыллаахха Бороҕоҥҥо үлэлии сылдьан тэрийбит конкурспар бастаабыт Петр Макаров бэйэтин билгэлээһинин ыытта. Онон хатыһыылаах киирсии буолара күүтүллэр.

Конкурс кыттааччылара үксүлэрэ Испания, Франция, Аргентина, Бразилия, Португалия хамаандалара бастыахтара диэн сылыктаабыттар. Оттон Чемпионат бастыҥ футболиһынан Килиан Мбаппены, Леонель Мессины элбэх киһи ааттаабыт…

Чэ, сайтка конкурс балаһыанньатын анныгар Комментарийга, кыттааччылар ким хайдах билгэлээбиттэрэ барыта хайдах баарынан ырылыччы сурулла сылдьар. Онно киирэн хас биирдии киһи – ким хайдах сылыктаабытын көрүөн, ырытыы оҥоруон сөп.

Арай, сорох кыттааччылар конкурска хоруйдарын – конкурс балаһыанньатыгар буолбакка, сайтка атын сиргэ ыыппыттар. Ол дьон  бэйэҕит билгэлээһиннэргитин бэс ыйын 5 күнүгэр тахсыбыт «Болҕойуҥ, конкурс: Ханнык хамаанда бастыай?» диэн матырыйаал анныгар суруйан ыытаргытыгар баҕарабыт. Тоҕо диэтэргит, көрөргө-ырытарга, суоттуурга дэбигис буоларын инниттэн, конкурска киирбит эппиэттэр барыта биир сиргэ баар буолуохтаахтар!

Кыайыылаах – спорт таҥаһынан эргинэр «IRON COLLECTION» маҕаһыын cпортивнай көстүүмҥэ сертификатынан наҕараадаланыаҕа.

Дьэ, аны от ыйын 19 күнүн – финалы кэтэһэбит. Онуоха диэри конкурс хаамыытын билиһиннэрэн, ырытан, чемпионат түһүмэхтэрин аайы хас даҕаны суруйуу тахсыаҕа. Онон биһиги dzulurgan.ru сайтпытын кэтээн көрө сылдьыҥ.

Петр ПАВЛОВ.