Фестиваль түмүктэннэ

Бэс ыйын 9-18 күннэригэр Саха сиригэр саахымат хамсааһынын 100 сааһыгар анаммыт «Северное сияние-2026” XXXVII республикатааҕы саахымат фестивала ыыттылынна. Бастаан оҕолор турнирдарыгар 91 кыттааччылар саастарынан үс бөлөҕүнэн арахсан чемпион аатын былдьаhар иhин бэс ыйын 10-11 күннэригэр күрэхтэстилэр.

Манна 2016 сылга төрөөбүттэргэ уонна итинтэн балыс саастаахтарга  43 оҕо кыттан, сэттэ турга күрэхтэстэ. Уолаттарга барыларын хоппут Местников Марк бастаата, киниэхэ эрэ хотторбут Семенов Ярослав иккис уонна биэс очукуолаах Мохордонов Максим (бары куораттар) үһүс буоллулар. Кыргыттарга биэс очукуолаах Жиркова Катя (куорат) бастаата, киниэхэ коэффициенынан хотторбут Сысолятина Вика (Таатта) иккис уонна түөрт очукуолаах Протопопова Арчылаана (Уус-Алдан) үһүс буоллулар.

2013-2015 сылларга төрөөбүттэр орто саастаахтар бөлөхтөрүгэр 30 кыттааччылартан кыргыттарга 4,5 очукуону хомуйбут Сысолятина Алеся (Таатта) бастаата, киниттэн очукуо аҥаара хааланнар, куораттан Марданова Вика уонна Кулаковская Арина иккис-үһүс миэстэлэлэргэ тигистилэр. Уолаттарга киин куораттан алта очукуолаах Андриевскай Роман бастаата, киниттэн очукуо аҥаара хаалан Павлов Айтал (Таатта) иккис, Григорьев Сеня үһүс буоллулар.

2009-2012 сыллаахтар улахаттар бөлөхтөрүгэр 18 эрэ оонньооччу кытынна. Кыргыттарга биэс аҥаар очукуолаах Максимова Юлиана (Чурапчы) кыайда, очукуо аҥаарынан хаалбыт Михайлова Наташа (Таатта) иккис уонна биэс очукуолаах Попова Мичийэ (Чурапчы) бириистээх миэстэлэргэ тигистилэр. Бу бөлөх уолаттарыгар барыларын хоппут Каскевич Леонид (Хаҥалас) эрэллээхтик кыайда. Түөртүү очукуону хомуйаннар, Прокопьев Георгий (Бүлүү), куораттан Васильев Андрей призердарынан буоллулар.

«Туймаада кубога” саахымат композициятын задачаларын суоттааһыҥҥа 23 киһи кытынна. Кыайыылаахтарынан Саша Иванов, Влад Жирков уонна Арсений Чумаевскай буоллулар.

Республика блицка оонньуутун полуфиналыгар 54 киһи кыттан, финалга кыттар быраабы ылар иһин 16 миэстэни 13 турга күрэс былдьастылар. Саша Иванов 11,5 очукуону хомуйан эрэллээхтих баhыйда. Очукуо аҥаарынан хаалбыт Давид Местников иккис уонна 10,5 очукуолаах Игорь Протодьяконовов үһүс буоллулар. Тоҕустуу очукуоны хомуйдулар: Максим Попов уонна Арсений Чумаевскай, коэффициенынан аҕа саастаах баһыйда. Алтыс миэстэҕэ Павел Бекетов 8,5 хомуйан таҕыста.

Полина Пак, Вадим Горлов, Семен Михайлов, Вадим Филиппов аҕыстыы очукуону уонна Леонид Каскевич, Давид Местников, Ньургун Винокуров, Дмитрий Донской, Вячеслав Гаврильев, Василий Романов, сэттэ аҥаардыы очукуону хомуйдулар уонна республика чемпионатын финалыгар кыттар путевканы ыллылар.  Ньургуйаана Баишева эмиэ итиччэ очукуолаах коэффициенынан хотторон путевкаттан матта.

Республика физкультура уонна спорт министерствотын кубогын иһин 11 турдаах рапид күрэҕэр 65 киһи кытынна. 10 очукуону хомуйбут Саша Иванов кыахтаахтык оонньоон кыайыылааҕынан буолла, иккис миэстэни аҕыс  очукуолаах Николай Капитонов Влад Жирковы, Арсений Чумаевскайы коэффициенынан хотон ылла. Влад Жирков үһүс буолла, Арсений Чумаевкайы үтүрүйдэ, очукуо аҥаарынан хаалбыт  Максим Попов бэһис, Амуо Курилов алтыс буоллулар.

14-гэр дылы саастаахтар кыргыттарга Юлиана Никифорова, биэс аҥаар очукуону хомуйан онтон уолаттарга алта аҥаар очукуоламмыт Иван Федоров бастаатылар. 18-гар дылы саастаах уолаттарга сэттэ очукуолаах Леонид Каскевич, кыргыттарга биэс очукуолаах Наталья Михайлова бастаатылар. 65-гэр дылы саастаах ветераннарга Галина Эверстова, биэс аҥаар очукуону хомуйан уонна 75-гэр ветераннарга сэттэ очукуоламмыт Семен Местников кыайдылар. Үөһээ саастаах ветераннарга Марина Аллахинова, биэс аҥаар очукуону хомуйан уонна алта очукуолаах Петр Павлов бириистэргэ тигистилэр.

Классическай саахымакка тоҕус турдаах күрэхтэһиитигэ 49 киһи кытынна. Чемпион аатын Арсений Чумаевскай 7,5 очукуону хомуйан ылла. Сэттэлии очукуолаах Артур Васильев Влад Жирковы коэффициенынан баһыйан иккис миэстэни ылла. Алта аҥаардыы очукуоламмыт  Нариман Мустафин төрдүс, Семен Михайлов бэһис буоллулар. Алтыс миэстэни Николай Капитонов алта очукуону хомуйан уонна Дьулусхан Васильевы коэффициенынан баһыйан ылла.

Дьахталларга анал бириис хаһаайкатынан көһүтүллүбүтүн курдук Полина Пак 5,5 очукуону хомуйан буолла. 14-гэр дылы саастаахтар кыргыттарга Катя Жиркова, онтон уолаттарга Семен Григорьев бастаатылар. 18-гар дылы саастаах уолаттарга Леонид Каскевич, кыргыттарга Наталья Михайлова бастаатылар. 65-гэр дылы саастаах ветераннарга түөрт очукуоламмыт Светлана Егорова уонна 75-гэр ветераннарга биэс аҥаар очукуолаах Андрей Иванов кыайдылар. Үөһээ саастаах ветераннарга биэс аҥаар очукуолаах Анна Куприянова уонна түөрт очукуоламмыт Петр Павлов бириистэргэ тигистилэр.

Республика блиц күрэҕин чемпионатын финальнай этабыгар 20 киһи кытынна. Икки эрэ хотторуулаах уонна икки тэҥнэһиилээх Влад Жирков кыайда. Иккис миэстэни Арсений Чумаевскай 14,5 очукуону хомуйбут ылла, киниттэн очукуо аҥаарынан хаалбыт Артур Васильев үһүс миэстэҕэ тигистэ. 13,5 очукуолаах  Николай Капитонов төрдүс, Бекетов Павел 12 очукуону хомуйан бэһис, очукуо аҥаарынан хаалбыт Айсен Местников Давид Местниковы коэффициенынан баһыйан алтыс буоллулар. Анал бириистэри туттарыыга полуфинал түмүктэрэ учуоттаннылар. Дьахталларга республика уонна киин куорат чемпионката Полина Пак кыахтаахтык бастаата. Иккис миэстэни Ньургуйаана Баишева уонна үһүс миэстэни Наталья Михайлова ыллылар.

14-гэр дылы саастаахтар кыргыттарга Таисия Аргылова, онтон уолаттарга Тимур Петров бастаатылар. 18-гар дылы саастаах уолаттарга Александр Иванов, кыргыттарга Айыына Слепцова бастаатылар. 65-гэр дылы саастаах ветераннарга Матрена Аржакова уонна 75-гэр ветераннарга Вадим Горлов кыайдылар. Үөһээ саастаах ветераннарга Акулина Беляева уонна Петр Павлов бириистэргэ тигистилэр.

Петр ЯКОВЛЕВ, күрэхтэһии судьуйата.