Бурятия көбүөрүгэр…

Бэс ыйын 26-27 күннэригэр Улан Удэҕэ көҥүл тустууга норуоттар икки ардыларынааҕы «Байкал Опен» XXVIII турнир ыытыллар.

Түһүлгэҕэ 250 бөҕөс 15 дойдуттан: Кытай, Кыргызстан, Армения, Азербайджан, Таджикистан, Беларусь, Монголия, Доминикана, Македония, Бахрейн, Афганистан, Австралия, Казахстан, Со5уруу Корея… ону тэҥэ Россия 16 регионуттан күөн көрсүөхтэрэ.

Турнир чэрчитинэн икки рейтиннээх тустуу ыытыллар: 70 киилэ5э Тумур Очир Тулга (Монголия) – Абхиманью (Индия) уонна 74 киилэ5э Евгений Жербаев (Бурятия) – Виктор Рассадин (Таджикистан).

Күрэхтэһии бириискэ фондата — 3,3 мөл. солк: 1-кы миэстэҕэ – 100 000, 2-с миэстэҕэ – 80 000, 3-с миэстэҕэ – 50 000 солк. Кыайыылаах тренеригэр – 50 000 солк. Маны тэҥэ ситиһиилээхтик кыттыбыттар буолаары турар Россия чемпионатыгар уонна эһиил сыл саҥатыгар ыытыллар Иван Ярыгин турнирыгар кыттар кыахтаныахтара.

Атын дойдулартан кыттар бөҕөстөрбүт Владимир Егоров (Хотугу Македония) 61 кг уонна Георгий Окороков (Австралия) 65 кг тустуохтара.

Саха сириттэн кыттыахтара:

57 кг – Ашеин Любомир, Майоров Владимир, Копылов Алексей, Мохначевскай Данил, Кириллин Роман

61 кг – Макаров Артур, Слепцов Артем, Ильинов Манчаары, Терентьев Ньургун, Григорьев Максим

65 кг – Григорьев Юлиан, Яковлев Виктор, Кононов Арсен, Попов Эдуард, Щеглов Николай

70 кг – Капрынов Константин, Некрасов Сергей, Матвеев Игорь, Иванов Анатолий

74 кг – Бабаранов Иннокентий, Захаров Алексей

79 кг — Нозим Сафаров

125 кг – Хабаров Никита.

Түһүлгэ тосхоло (Дьокуускай бириэмэтинэн)

Бэс ыйын 26 күнэ, бээтинсэ
11:00 бары ыйааһыннарга барыллааһын хапсыһыылар
18:00 күрэхтэһии үөрүүлээх аһыллыыта
19:00 бары ыйааһыннарга финалга тахсар иһин киирсиилэр.

Бэс ыйын 27 күнэ, субуота
12:00 бары ыйааһыннарга уоскутар бөлөх тустуулара
16:00 бары ыйааһыннарга быһаарыылаах хапсыһыылар.

Петр ПАВЛОВ.