Бу эмиэ дьол ээ

АХШ Сиэтл куоратыгар үнүрүүн көтөн кэлбитим. Футболга аан дойду чемпионатыгар Катар – Босния Герцеговина хамаандаларын оонньууларын көрдүбүт.

Хаһан да түһээн да баттахпатах түгэним. Билигин аан дойду дьоно үксүтэ футболунан олорор. Оттон мин оннук түгэҥҥэ  түбэстим. Хара ааныттан уочарат, бэрэбиэркэ бөҕө. Хата этэҥҥэ ааһан, аналлаах миэстэбитин булан олордубут. Отой футбол хонуута бу тэлгэнэ сытар. Уонна Босния-Герцеговина ыалдьааччыта үгүс эбит, Катар киэнэ аҕыйах курдук, маҥан кыһыл дьүһүннээх таҥастаах дьон көстөллөр.

Ураты турук эбит. Ис сүрэхтэриттэн ыалдьааччылар оҥостон кэлэн ыһыы-хаһыы. Биһиги аттыбытыгар Босния-Герцеговина ыалдьааччылара бааллара. Кинилэр үөрүүлэригэр хамаандалара хотто. Биһиги эмиэ дьон үөрүүтүгэр кыттыстыбыт.

Былаахпын бүрүнэ сылдьарбын хас да киһи тохтотон ыйытта. Сибиир, Саха-саха диибин, онуоха тарбахтарын чочоҥнотоллор, санаабар, Саха сирин ыалдьааччылара эмиэ кыттыспыт курдуктар. Ханнык эрэ үйэҕэ баҕар маннык улахан таһымнаах күрэхтэһиигэ биир эмит саха уола кыттыа диэн эрэли кытта, 67000 тыһыынча көрөөччүлэрин кытта араҕыстыбыт. Футболу илэ хараҕынан көрөр диэн төрүт ураты эйгэ, иэйии, дуоһуйуу эбит диэн түмүктүөххэ.

Варвара НИКОЛАЕВА.