Үлэһиттэр спартакиадалара саҕаланна

Бүгүн киэһэ 19:00 чаастан Н.Н. Тарскай аатынан «Туймаада» стадиоҥҥа үлэһиттэр бэһис Спартакиадаларын үөрүүлээх аһыллыыта буолуоҕа.

Оттон хара сарсыардаттан спорт биэс көрүҥэр: саахымакка, волейболга, буулдьанан ытыыга, гиирэ спордугар уонна мини-футболга күүрээннээх күрэстэр саҕаланнылар.

Быйылгы спартакиадаҕа барыта 18 салаа профсоюзтар хамаандаларыгар сүүмэрдэнэн, киин куораппыт түһүлгэлэригэр 1200-тэн тахса спортсмен түмүстэ.

Спартакиада 11 көрүҥҥэ ыытыллан, бу ый 7 күнүгэр түмүктэниэҕэ.

Гаврил СТРУЧКОВ.

Ааптар түһэриитэ.