Эдуард Попов үһүс буолла

Наманган куоракка «Узбек ботирлари» диэн гректии-римнии уонна көҥүл тустууга норуоттар икки ардыларынааҕы күрэхтэһии ыытылынна. Хапсыһыылар олимпийскай ыйааһыннарга буоллулар.

Бу түһүлгэҕэ Саха сириттэн тустууктар: Любомир Ашеин, Артём Слепцов (57 кг) уонна Эдуард Попов (65 кг) кытыннылар. Кинилэри кытта тренер Альберт Макаров уонна бөлөх салайааччытынан Петр Юмшанов сылдьыстылар.

Эдуард Попов барыллааһын хапсыһыыларга Таджикистантан тустар дагестанец Абдулмаджид Кудиевка сабырыттаран баран, санааны уоскутар бөлөххө киирэн кыайыыны ситиһэн, түһүлгэ боруонса мэтээлинэн наҕараадаланна. Оттон Артём Слепцов хас да утарсааччытын кыайан баран, финалга тахсар иһин киирсиигэ уонна үһүс бириистээх миэстэ иһин хапсыһыыга хоттортоон, бэһис буолла. Үһүс бөҕөспүт Любомир Ашеин үс эргиир туһунна.

Түһүлгэ түмүгэ:

До 57 кг: 1. Мухаммадрасул Салиев (Кыргызстан), 2. Асадбек Саидтураев, 3. Аваз Азамов (иккиэн — Узбекистан), Даулет Амирхан (Казахстан), 5. Артём Слепцов (Россия)

До 65 кг: 1. Абдулмажид Кудиев (Таджикистан), 2. Нурмухаммад Хайдаралиев, 3. Санжарбек Анварбеков (иккиэн — Узбекистан), Эдуард Попов (Россия)

До 74 кг: 1. Бегижон Кулдашев (Узбекистан), 2. Мурат Джакупов (Казахстан), 3. Жавохир Чулибоев, Фазлиддин Насритдинов (иккиэн — Узбекистан)

До 86 кг 1. Артур Найфонов (Россия), 2. Бобур Исломов (Узбекистан), 3. Улукбек Асилбеков (Кыргызстан), Сомонжон Икромов (Таджикистан)

До 97 кг 1. Шерзод Поенов (Узбекистан), 2. Исмаил Картоев (Таджикистан), 3. Максуд Вейсалов, Садриддин Даминжонов (иккиэн — Узбекистан)

До 125 кг: 1. Нурсултан Азов (Казахстан), 2. Сардор Холматов, 3. Отабек Назирбоев (иккиэн — Узбекистан), Зиямухаммет Сапаров (Туркменистан)

Петр ПАВЛОВ.