Роман Дмитриев турнира-2026: Финалга кимнээх таҕыстылар?

Олимпийскай чемпион Роман Дмитриев аатынан 21-гэр диэри саастаахтарга көҥүл тустууга норуоттар икки ардыларынааҕы турнир бастакы күнүн түмүгүнэн мэтээл иһин кимнээх киирсэллэрэ быһаарылынна.

Быйылгы түһүлгэҕэ Кытай, Молдова, Монголия уонна Бурятия, Забайкальскай, Красноярскай кыраайдар, Иркутскай уобалас, Саха сирэ, Санкт-Петербург, Тыва бөҕөстөрө, барыта 127 спортсмен күөн көрсөр. Күрэхтэһии сүрүн судьуйатынан — норуоттар икки ардыларынааҕы таһымнаах судьуйа Омарасхаб Курамагомедов (Дагестан) үлэлиир.

Финалистар:

57 кг Федор Павлов (Красноярскай) – Анатолий Иванов (Саха сирэ)

61 кг Юрий Винокуров (Саха сирэ) – Очир Цыденов (Бурятия)

65 кг Артур Попов (Саха сирэ) – Анх Эрдэнэ Алтангерел (Монголия)

70 кг Данил Пилия (С-Петербург) – Алан Ондар (Тыва)

74 кг Тумэн Дондоков (Бурятия) – Алексей Захаров (Саха сирэ)

79 кг Аслан Хугаев (С-Петербург) – Бэликто Лхамажапов (Заб. кыраай).

Онтон үөһэ ыйааһыннарга кыттааччы аҕыйах буолан, хапсыһыылар эргиир ньыматынан ыытыллыбыттара. Быһа холуйан эттэххэ, 86 киилэҕэ Аркадий Черкашин (Иркутскай), Бато Кырмыгенов (Бурятия), оттон биһиэннэриттэн 92 кг Степан Иванов, 97 кг Адам Николаев уонна 125 кг Михаил Николаев балаһыанньалара куһаҕана суох. Барыта кинилэр сарсын сарсыардааҥҥы киирсиилэргэ хайдах кытталларыттан тутулуктаах.

Маны тэҥэ А.Оконушкин, М.Осипов (57 кг), К.Местников, С.Сивцев (61 кг), С.Некрасов, А.Марков (70 кг), К.Слепцов (74 кг), Н.Сафаров, П.Софронеев (79 кг) — боруонса мэтээл иһин тустуохтара.

Сарсын “санааны уоскутар” бөлөх тустуулара күнүс 11:00, оттон быһаарыылаах хапсыһыылар 14:00 чаастан саҕаланыахтара.

Бу күрэхтэһии туһунан сиһилии соҕус сонуннары, видеолары “Дьулурҕан” телеграмҥа каналыгар t.me/dzulurgan билсиэххитин-көрүөххүтүн сөп.

Петр ПАВЛОВ.