Полина Пак – киин куорат чемпиона

Киин куорат саахымакка чемпионатыгар 26 киhи кыттынна уонна 9 турга эр дьоҥҥо итиэннэ дьахталларга чемпион аатын былдьаhар иhин күрэхтэстилэр.

Бу туhунан антирекорд буолла. Рейтинг фавориттарынан республика үрдүкү лигатын кыттыылаахтара Владислав Жирков, Давид Местников этилэр. Үhүс турга республика дьахталларга чемпионката маастарга кандидат ХИФУ студенката Полина Пак – Давид Местниковы кыайда, төрдүс турга Влад Жирковы кытта тэҥнэстэ уонна кинилэр иккиэн турнир лидердара буоллулар.

Бэhис турга Жирков кэлбэккэ, Саша Ивановка очукуо бэлэхтээхтэ, Пак – Вадим Филипповы кыайан лидер буолла. Алтыс турга Саша Иванов Пак Полинаны хотто уонна лидерга таҕыста. Сэттис турга Жирков уонна Иванов сирэй көрүстүлэр, манна аҕа саастаах баhыйда. Икки кэнники турдарга лидердар Пак уонна Жирков утарсааччыларын хоттулар уонна биэтэккэ 7,5 очукуолаах таҕыстылар, коэффициенынан баhыйан, Полина Пак киин куорат чемпионунан аан баастан буолла уонна республика чемпионатын Үрдүкү лигатыгар кыттар путевканы ылла.

Урут маннык быраабы РСФСР кыргыттарга чемпионката Ира Дементьева (Мирнэй) республика бастакы лигатын кыайыылааҕа буолан ылан турардаах, оттон Виринея Кутукова, Евдокия Избекова кыттыбыттара.

Киин куорат үhүс призерунан Саша Иванов 7 очукуо ылан буолла, төрдүс миэстэни алта очукуолаах Вадим Филиппов, Давид Местников Леонид Каскевич, Рома Андриевскай 5,5 очукуо ылан, туһааннааҕынан 5-6-7 миэстэ буоллулар. Дьахталларга үөрэнээччилэр инники күөҥҥэ таҕыстылар. Сайаана Аргунова биэс очукуолаах бастаата, Алиса Харлампиева иккис, Алена Румянцева үhүс буоллулар.

Бэтэрээннэргэ эр дьоҥҥо Алексей Малышев, дьахталларга Светлана Егорова бастаатылар.

Петр ЯКОВЛЕВ.