Ньидьилигэ күөгүлээһиҥҥэ күрэхтэһии

Кэбээйи улууһун кэпсээҥҥэ киирбит улуу эбэҕэ – Ньидьилигэ, Арыктаах нэһилиэгэр улахан күрэхтэһии буолан ааста. Күрэхтэһиини Арыктаахтан Ооо “Ньидьили” ИП Эверстова Анастасия Васильевна, Эверстов Василий Афанасьевич уонна спонсордар сүүрэн-көтөн тэрийдилэр.

Спонсордарынан Арыктаах сүрүн орто оскуолата, Арыктаахтааҕы “Байдам” кафе (Елизавета Ноговицына), “Быйаҥнаах Алаас” түөлбэ (салайааччы Ноговицын Петр Иванович), “Чараҥ” кооператив (Соловьев Иван Данилович, Ноговицын Сергей Сергеевич), “Егерь” маҕаһыын (Соловьев Данил Иванович), Арыктаахтан “Анюта” маҕаһыын, ИП Ноговицын Степан Сергеевич Арыктаахтан маҕаһыын (Гоголева Иванна), Чагдаттан “Кыталыктаах” артыал (Ноговицын Еремей Еремеевич, Ноговицын Иосиф Еремеевич), Дьокуускайтан ИП Николаев Виктор, Арыктаах баһылыга Сивцева Ангелина Сергеевна, Дьокуускайтан Бурнашова Анисия Васильевна, Эверстов Афанасий Васильевич.

Бу күрэхтэһиини тэрийэр Василий Афанасьевич тапталлаах күндү оҕолоро спонсордаатылар. Спортивный комментатор Аржакова Светлана Николаевна саҥаран, бу тэрээһиммитин салайан олус бэркэ ыытта. Кулун тутар 8 күнүгэр бу спортивный тэрээһиммит ыытылынна. Буурҕаны, тыалы аахсыбакка, ыраах Үөһээ Бүлүүттэн, Бүлүүттэн, Дьокуускайтан, Сангаартан, Чагдаттан, Лүксүгүнтэн кэлэннэр кытыннылар, күүстэрин-уохтарын сатабылларын көрдөрдүлэр.

Күрэхтэһии түмүктэрэ манныктар:

Күөгүлээһин күрэҕэр бастаата Дьокуускайтан Максимов Николай Владимирович, иккис дьоһуннаах миэстэни Павлов Егор Иванович (Арыктаах), үһүс миэстэни Чагдаттан Ноговицын Григорий Григорьевич ыллыла. Кэрэ аҥардарга бастакы Павлова Мичийэ Алексеевна, иккис миэстэ Ноговицына Айталина Афанасьевна, үһүс эрэллээх миэстэ Ноговицына Сайаана Иннокентьевна (бары Арыктаах) буоллулар.

Күөгү күрэҕэр оҕолорбутугар бастакы миэстэ Ноговицын Сулус (Арыктаах) былырыыҥҥы чемпиоммут Иккис Ноговицын Егор ситиһиилэннилэр. Ойбону буурунан алларыы курэххэ бастакы Корякин Иннокентий Ильич (Бүлүү, Чинэкэ) буолла. Иккис миэстэни Федоров Вячеслав Викторович (Бүлүү, Чинэкэ), үһүс миэстэни Карасартов Назир Толонбекович (Чагда) ыллылар.

Анньыы күрэҕэр бастакы Аргунов Семен Иосифович (Чагда), иккис Карасартов Назир Толонбекович (Чагда), үһүс Ноговицын Федор Александрович (Арыктаах) буоллулар. Сүүрүүгэ бастакы Ноговицын Егор (Арыктаах) кыайда.

Кэрэ аҥардарга сүүрүүгэ Ноговицына Сайаана Иннокентьевна (Арыктаах), оҕолорго Винокуров Артем (Арыктаах) бастаатылар. “Бей Подушки”, “Халбас харата” диэн күрэххэ бастакыны Обутова Сардана Максимовна (Арыктаах) ылла. Балыгы сатааркалааһын бириэмэҕэ эмиэ Обутова Сардана Максимовна кыайда.

Эр дьоҥҥо хапсаҕай күрэҕин түмүктэрин кэпсээтэххэ, бастакы Николаев Рустам Русланович (Арыктаах), иккис миэстэ Алексеев Степан Сергеевич (Сиэгэн Күөл), үһүс миэстэни эрэллээхтик бэйэбит уолбут Ноговицын Егор (Арыктаах) ыллылар. Кэрэ аҥардарга эмиэ хапсаҕай буолбута. Онуоха бастакыны Захарова Татьяна Христофоровна (Дьокуускай), иккиһи Арыктаахтан Обутова Сардана Максимовна уонна үһүс дьоһуннаах миэстэни Аржакова Светлана Николаевна (Лүксүгүүн) ыллылар. Оҕолорго хапсаҕайга Ноговицын Айхан (Арыктаах) бастаата. Кини билигин Мукучуга спортивный оскуолага ситиһиилэхтик үөрэнэ-эрчиллэ сылдьар. Иккис миэстэни Протопопов Иннокентий (Бүлүү, Чинэкэ) ылла. Үһүс миэстэҕэ Ноговицын Василий (Чагда) таҕыста.

Ити курдук, бу күрэхтэһиибит олус үчүгэйдик, умнуллубат түгэни бэлэхтээн ааста. манна араас спортивный оонньуулар киирэн биэрдилэр. Олохтоохтор, ыалдьыттар бу тэрээһинтэн үөрэн-көтөн, астынан тарҕастылар. Бу сүдү тэрээһиммитин айылҕаттан көрдөһөн, алгыс тылын эппитэ кырдьаҕас, 85 саастаах алгысчыппыт, улуус бочуоттаах олохтооҕо Дмитрий Иванович Николаев, кини олус үчүгэйдик алҕаата. эбэбитин. Онон бу Күөгү күрэҕин аны да улахан хайысхалаахтык тэрийиэхпит диэн, тэрийэр бөлөх былаанныыр.

Суруйда Петр НОГОВИЦЫН.

Кэбээйи. Арыктаах.