Нам тустуук уолаттара – 13 мэтээл кэттилэр

П.П. Юмшанов аатынан Намнааҕы Оҕо спорт оскуолатыгар Ленскэй нэһилиэк баһылыга Петр Сокольников бирииһигэр көҥүл тустууга республикатааҕы аһаҕас турнир хапсыһыытыгар 60-тан тахса тустуук уолаттардаах сэттэ хамаанда көрүстэ.

Күрэхтэһии үөрүүлээх аһыллыытыгар Ленскэй нэһилиэк баһылыга Петр Сокольников, салайааччылар, тустуу эйгэтигэр үлэлээччилэр 4-с төгүлүн ыытыллар республикатааҕы аһаҕас турнир күрэхтэһээччилэригэр көҥүл тустуу көбүөргэ эрэ буолбакка, олоххо көмөлөөҕүн, эппиэтинэстээх буолалларыгар бэлиэтээтилэр.

Күрэхтэһии быраабылата, тустуук икки хотторууга диэри туһунна. Оччотугар, уолаттарга бары күүстэрин ууран тусталларыгар кыах бэриллэр. Республикатааҕы аһаҕас турнир бастыҥнара – Федоров Саян уонна Тимофеев Леня буолаллара эрдэттэн ааттаммыта. Тоҕо бу уолаттары ааттаатым?

Саян бэйэтин ыйааһыныгар 65 киилэҕэ эрэллээх кыайыыны ылла, күрэхтэһии бастыҥ тустууга анал Кубогынан наҕараадаланна. Көрөөччүгэ кини тустуута олус судургу курдук көстөр эрээри, хас биирдии хапсыһыыга ис туругун бэлэмниирэ, кыайа тутара буолуо. Ити курдук, “Буолуохтааҕы оҥордум, толордум” диэбиттии көбүөртэн бэрт холкутук тахсан барар. Федоров Саяны куруук холку, сэмэй буолуу хаачыстыбалара арыаллаатыннар.

Оттон 80 киилэҕэ көрөөччүлэргэ Леня саамай кырасыабай быраҕыыны, тиһэххэ диэри саамай долгутуулаах, эрийсиилээх киирсиини умнуллубат түгэни бэлэхтээтэ, көрдөрдө. Кини 4:2 ахсаанынан баһыйтаран иһэн, 10-ча сөкүүндэ хаалбытыгар 4 бааллаах быраҕыыны оҥорон кыайыылаах үрдүк аатын ылбытын бэлиэтиибин! Бу дьэ, кырдьык, көбүөргэ тахсыбыт тэҥ баайыылаах уолаттар хапсыһыылара этэ диибин.

Ордук үчүгэй, элбэх таһыччы бырахсыылар кыра ыйааһыннарга буолаллар, буоллулар – 42 кг, 45 кг, 48 кг, 51 кг. Ол курдук, оҕо тустуутун уратыта манна олоҕурар: уолаттар кэтэһиигэ-манаһыыга буолбакка, сөптөөх түгэни күүппэккэ, көбүөргэ баары-баарынан, тугу сатыылларын, тренердэрэ тугу үөрэппиттэрин көрдөрөллөрүн 1996 сыллаахха Россия, СССР эдэр ыччатыгар үрүҥ көмүс мэтээл хаһаайына, Аан дойду студеннарыгар 4 миэстэлээҕэ, тренер, күрэхтэһии сүрүн судьуйата Кирилл Павлов этэр.

Кыһыл көмүс мэтээл хаһаайыттара: 42 кг – Никифоров Борис (ДЮСШ3); 45 кг – Находкин Айдын (ДЮСШ3); 48 кг – Ващенко Михаил (ДЮСШ3); 51 кг – Платонов Николай (Хатас); 55 кг – Павлов Костя (Нам); 60 кг – Афанасьев Власий (Мэҥэ Хаҥалас); 65 кг – Федоров Саян (Нам); 71 кг – Максимов Эйнар (УОР); 80 кг – Тимофеев Леня (Нам); 92 кг – Николаев Андрей (Мэҥэ Хаҥалас); 92 киилэттэн үөһэ – Винокуров Анатолий (Мэҥэ Хаҥалас).

Үрүҥ көмүс мэтээл хаһаайыттара: 42 кг – Николаев Юра (Нам); 45 кг – Охлопков Дьулур (Нам); 48 кг – Сивцев Максим (Хатас); 51 кг – Новиков Артем (ДЮСШ3); 55 кг – Ычыров Дархан (ДЮСШ3); 60 кг – Парников Алеша (Нам); 65 кг – Михайлов Владислав (ДЮСШ3); 71 кг – Кулешов Элдьар (Нам); 80 кг – Постников Роман (ДЮСШ3); 92 кг – Никифоров Миша (Нам); 92 киилэттэн үөһэ – Аманатов Эрик (Нам).

Боруонса мэтээл хаһаайыттара: 42 кг – Захаров Харысхан (Модут); 45 кг – Неустроев Эрсан (Нам); 48 кг – Иванов Игорь (Нам); 51 кг – Григорьев Эрсан (Хаҥалас); 55 кг – Шестаков Эрсан (Нам); 60 кг – Ершов Василий (ДЮСШ3); 65 кг – Сивцев Данил (Мэҥэ Хаҥалас); 71 кг – Федоров Арсен (Мэҥэ Хаҥалас); 80 кг – Татаринов Валентин (ДЮСШ3); 92 кг – Никифоров Миша (Нам); 92 киилэттэн үөһэ – Аманатов Эрик (Нам).

Ленскэй нэһилиэк баһылыга Петр Сокольников бирииһигэр ыытыллыбыт республикатааҕы аһаҕас турнирыгар бары күүс-көмө буолбут бар дьоммутугар улаханнык махтанабыт!

Харысхан ПОПОВ. Нам.

Ааптар хаартыскалара.