Михаил Захаров саҥа кыайыыта

Көҥүл тустууга Россия, хапсаҕайга Саха сирин спортарын маастара Михаил Захаров эмиэ кыайыыны ситистэ. Бу сырыыга көҥүл тустууга бэтэрээннэргэ Монголия аһаҕас чемпионатыгар бастаата.

Кини 62 киилэҕэ барыта үстэ тустубут, наар олохтоох бөҕөстөрү кытта киирсибит уонна иккитин 10:0, биирин 4:0 ахсааннарынан итэҕэтиилээхтик хоппут.

Бу аһаҕас чемпионакка Бурятияттан, Казахстантан, Германияттан бэтэрээн бөҕөстөр кыттыбыттар.

Санатан эттэххэ, Михаил Захаров бу иннинэ кылгас кэм иһигэр Кыргызстаҥҥа уонна Беларуська, аны бу Монголияҕа бастаата. Бу сылга кини сүрүн соруга — Россия чемпионатыгар кыайан, аан дойду түһүлгэтигэр ситиһиилээхтик кыттыы буолар.

Михаилга ситиһиилэри баҕарабыт!

Петр ПАВЛОВ.