Күрэхтэһиигэ ыҥырабыт!

Кулун тутар 14 күнүгэр Уус Алдан улууһун Бэрт Ууһун нэһилиэгэр – Сыырдаахха, “Урожай” ДСО кыайыылааҕа уонна призера, Саха АССР чемпионатын, Саха сирин норуоттарын спартакиадатын, бэтэрээннэргэ СахаВА күрэхтэһиитин хас да төгүллээх призера, доруобуйаларыгар хааччахтаах спортсменнарга республика чемпиона, Нам улууһун спорка бочуоттаах бэтэрээнэ Иван Петрович Охлопков кэриэһигэр волейболга эр дьоҥҥо 50-тэн үөһэ саастаахтарга аһаҕас турнир ыытыллар.

Тэрээһини – И.П. Охлопков дьиэ кэргэнэ уонна аймахтара көҕүлээн, тэрийэн ыыталлар. Күрэхтэһии сүрүн судьуйатынан Иван Григорьевич Неустроев үлэлиэҕэ.

Манна нэһилиэктэр хамаандалара кытталлар. Кыайыылаахтар мэтээллэринэн уонна грамоталарынан наҕараадаланыахтара, хамаандаҕа кубок туттарыллыа. Иккис уонна үһүс миэстэлээхтэр эмиэ мэтээллэринэн уонна грамоталарынан бэлиэтэниэхтэрэ. Ону тэҥэ бастыҥ оонньооччуларга анал бириистэр туттарыллыахтара.

Күрэхтэһиигэ сыһыаннаах туох эмэ ыйытыыны Федор Федоровичтан ыйыталаһыаххытын сөп — 89248789256.

Бу саҥа тэриллэр күрэхтэһиигэ Иван Петрович доҕотторо, билэр дьоно, спорт бэтэрээннэрэ көхтөөхтүк кытталларыгар баҕарабыт. Оттон Сыырдаах олохтоохторо күрэхтэһиини кэлэн көрөргүтүгэр, оонньооччуларга көх-нэм буоларгытыгар ыҥырабыт!

Петр ПАВЛОВ.