Иван Охлопков кэриэһигэр волейбол

Кулун тутар 14 күнүгэр Уус Алдан улууһун Бэрт Ууһун нэһилиэгэр – Сыырдаахха, “Урожай” ДСО кыайыылааҕа уонна призера, Саха АССР чемпионатын, Саха сирин норуоттарын спартакиадатын, бэтэрээннэргэ СахаВА күрэхтэһиитин хас да төгүллээх призера, доруобуйаларыгар хааччахтаах спортсменнарга республика чемпиона, Нам улууһун спорка бочуоттаах бэтэрээнэ Иван Петрович Охлопков кэриэһигэр волейболга эр дьоҥҥо 50-тэн үөһэ саастаахтарга аһаҕас турнир ыытылынна.

Тэрээһини – И.П. Охлопков дьиэ кэргэнэ уонна аймахтара көҕүлээн, тэрийэн ыыттылар. Күрэхтэһии И.С. Портнягин аатынан Сыырдаах орто оскуолатын спорка саалатыгар буолла, сүрүн судьуйанан Иван Григорьевич Неустроев үлэлээтэ.

Манна Байаҕантай, Дүпсүн, Бэрт Ууһун, Өлтөх нэһилиэктэрэ уонна Нам улууһуттан хамаандалар кытыннылар. Сытыы тыҥааһыннаах оонньуулар кэннилэриттэн кыайыылаахтар мэтээллэринэн уонна грамоталарынан наҕараадаланнылар, бастаабыт хамаандаҕа кубок туттарыллынна. Ону тэҥэ бастыҥ оонньооччуларга анал бириистэринэн бэлиэтэннилэр.

Күрэхтэһии туһунан сиһилии суруйууну «Дьулурҕан» хаһыакка ааҕаарыҥ. Оттон билигин күрэхтэһии түгэннэрин түһүмэхтэринэн билсиҥ.

Бастакы түһүмэх: Иван Охлопков спорка ситиспит наҕараадалара

Иккис түһүмэх: оонньуу түгэннэрэ

Үһүс түһүмэх: күрэхтэһиини үөрүүлээхтик аһыы

Төрдүс түһүмэх: быһаарыылаах оонньуулар

Бэһис түһүмэх: анал хамыыһыйа түмүк таһаарар

Алтыс түһүмэх: кыайыылаахтары, бастыҥнары наҕараадалааһын

Петр ПАВЛОВ хаартыскалара. 

Дьокуускай — Сыырдаах — Дьокуускай.