Биһигиттэн кимнээх тустуохтарай?

Эрдэ иһитиннэрбиппит курдук, кулун тутар 6-8 күннэригэр «Өрөгөй» күрэс уораҕайыгар сахаттан бастакы олимпийскай чемпион Роман Михайлович Дмитриев кэриэһигэр 21-гэр диэри саастаахтарга көҥүл тустууга норуоттар икки ардыларынааҕы күрэхтэһии ыытыллар.

Билиҥҥитэ тас дойдуттан уонна Россия регионнарыттан чопчу хас хамаанда, бөҕөс кэлэрэ бигэргэнэ, ааҕылла сылдьар. Оттон бэйэбититтэн, Саха сириттэн ыйааһын ахсын элбэх эдэр бөҕөс кыттара күүтүллэр.

Кинилэртэн, инники көрдөрүүлэринэн уонна мэтээлгэ киирсиэхтэрин сөп диэн маннык бөҕөстөрү бэлиэтиэххэ сөп:

57 кг Роман Кириллин, Алексей Фокинов, Александр Жданов, Михаил Осипов, Вадим Прядезников, Анатолий Иванов…

61 кг Юрий Винокуров, Сэмэн Сивцев, Максим Григорьев, Кюндюл Местников…

65 кг Эрчимэн Гоголев, Максим Трофимов, Артур Попов…

70 кг Анатолий Иванов, Сергей Некрасов, Айкар Марков…

74 кг Василий Винокуров, Алексей Захаров, Давид Чириков…

79 кг Нозим Сафаров, Пантелеймон Софронеев.

86 кг Артур Слепцов.

92 кг Степан Иванов, Милан Саморцев.

97 кг Адам Николаев.

125 кг Михаил Николаев.

Уолаттарбытыгар ыалдьабыт уонна эрэнэбит! Санатан эттэххэ, күрэхтэһиини «Саха» национальнай көрдөрөр-иһитиннэрэр хампаанньа «күөх экранынан» быһа көрдөрөр. Итиэннэ биһиги dzulurgan.ru сайтпытын, t.me/dzulurgan телеграмҥа каналбытын кэтээн көрө, ааҕа, билэ сылдьаргытыгар ыҥырабыт.

Петр ПАВЛОВ.