«Хаҥалас хапсаҕайа» саҕаланна!

«Өрөгөй» Спорт дыбарыаһыгар үс көбүөрүнэн 403 араас дойду ааттаахтара, киэҥ сир бэртэрэ ким ордугун быһаарса сылдьаллар.

«Хаҥалас хапсаҕайа» быйыл иккис төгүлүн норуоттар икки ардыларынааҕы турнир быһыытынан ыытыллар. Бурятия, Тыва, Татарстан, Забайкалье, Иркутскай, Алтай, Хакасия, ону сэргэ Азербайджан, Монголия, Кыргызстан, Грузия, Узбекистан, Индия, Кытай, Италия, Эстония курдук дойдулар мүлдьү бөҕөлөрө кэлбиттэр.

Бүгүн күрэхтэһии эр дьоҥҥо 85, 95 уонна 95-тэн үөһэ, бэтэрээннэргэ 80, 90, 90-тан үрдүк ыйааһыннарга ыытыллыаҕа. Киэһэ 18 чааска үөрүүлээх аһыллыы сиэрэ-туома, ол кэннэ 75 киилэттэн ыарахан ыйааһыннаах бөҕөстөр муҥутуур кыайыылаах аатын былдьаһыахтара.

Икки аар-саарга аатырбыт бухатыыр сэрэбиэй быһаарыытынан бастакы эргииргэ утарыта күөн көрүстэ. Бэтэрээннэргэ ыарахан ыйааһыҥҥа Тыва киэн туттуута, сумоҕа аан дойду икки төгүллээх чөмпүйүөнэ спорт үтүөлээх маастара Аяс Монгуш утары Бурятия чулуута, көҥүл тустууга норуоттар икки ардыларынааҕы кылаастаах маастар Цыбик Максаров киирсиилэригэр, сэрэтиинэн Монгуш хотто.

Күрэхтэһии бириистэрин суумата 5 мөл. солкуобайга тэҥнэһэр.

Гаврил СТРУЧКОВ.

Ааптар хаартыскалара.