Үбүлүөйдээх чемпионакка…

Чурапчы дьоллоох туонатыгар боксаҕа РСФСР уонна Саха АССР үтүөлээх тренерэ Арсен Петров кэриэһигэр республика чемпионата түмүктэннэ.

Быйылгы түһүлгэ уратылаах, бу көрүҥ сайдыбыта 70 сылыгар ананна. Бастакы чемпионат 1956 с. тэриллэн турардаах. Түөрт күн устата барбыт үбүлүөйдээх күрэхтэһии түмүгүнэн бастыҥнарынан буоллулар:

48 кг Эрчим Пестряков, Мирнэй

51 кг Дьулуур Иванов, Дьокуускай

54 кг Андрей Егоров, Хаҥалас

57 кг Рамазон Мамаджонов, Мирнэй

60 кг Александр Сергучев, Мэҥэ-Хаҥалас

63,5 кг Александр Иванов, Ньурба

67 кг Саид Максимов, Ньурба

71 кг Альберт Каратаев, Бүлүү

75 кг Андрей Портнягин, Уус-Алдан

80 кг Игорь Никифоров, Өлөөн

86 кг Антон Голиков, Дьокуускай

92 кг Петр Егоров, Мэҥэ-Хаҥалас

92-тэн үөһэ. Владимир Колесов, Мэҥэ-Хаҥалас.

Маныаха Петр Егоров Сахатын сиригэр уон төрдүс төгүлүн чемпионнаабытын бэлиэтиир тоҕоостоох. Бу республика боксатын историятыгар саҥа муҥутуур ситиһии. Онон республика 14 төгүллээх чемпиона 39 саастаах Петр Егоров «Боксаҕа бэриниилээҕин иһин» диэн анал бирииһинэн бэлиэтэннэ.

Мэҥэ-Хаҥалас хамаандата үс кыһыл көмүс мэтээллээх үтүө түмүгү көрдөрдө. Мирнэй, Ньурба уонна Дьокуускай иккилии чемпионнаахтар.

Күрэхтэһии бастыҥ боксерун аатын Ньурба эдэр боксера Александр Иванов ылла. Бастыҥ техника уонна тактика иһин бириис Александр Сергучевка ананна. Бастыҥ киирсиинэн Андрей Егоров — Ренат Захаров көрсүһүүлэрэ ааттанна. Кыайыыга дьулуурун иһин анал бирииһинэн Чурапчыттан Артур Григорьев бэлиэтэннэ. Эдэр кэскиллээх боксер аатын Роберт Харитонов ылла. Бастыҥ судьуйа – Игорь Ефимов (Сунтаар), Бастыҥ тренер – Василий Шестаков (Мэҥэ-Хаҥалас).

Гаврил СТРУЧКОВ.

Ааптар хаартыскалара.