Ярыгин Кубога-2026: Үһүс күн тустуулара

Бүгүн, тохсунньу 31 күнүгэр Красноярскайга — икки төгүллээх олимпийскай чемпион Иван Ярыгин кубогар, спортивнай тустууга норуоттар икки ардыларынааҕы XXXVII турнир үһүс күнэ.

Күрэхтэһии дьахталларга – 62, 68, 72, 76 кг,  эр дьоҥҥо 74, 86, 92, 97 кг ыйааһыннарга ыытыллар. Бу ыйааһыннарга бүгүн финалга кимнээх тахсаллара киэһэ быһаарыллар.

Мантан аллараа, эһиги, түһүлгэ үһүс күнүгэр биир дойдулаахтарбыт, ким кими кытта хайдах тустубутун суругунан иһитиннэриини билсиҥ.

125 кг, уоскутар бөлөх тустуута

Никита Софронов – Александр Гришин (Воронеж) +1:1

Никита Софронов — Денис Хроменков (Беларусь) 0:9

74 кг, квалификация

Владимир Бояновскай – Иналбек Шериев (Москва) 0:10

Олег Фомин – Тимур Бижоев (КБР) 0:4, туше

92 кг, финал 16/1

Ньургун Сергин – Бат Эрдэнэ Бямбасурен (Монголия) 2:0

Финал 8/1

Ньургун Сергин — Азамат Закуев (Крым) 5:2

Финал 4/1

Ньургун Сергин — Славик Наниев (Хотугу Осетия) 3:0

Финал 2/1

Ньургун Сергин — Мустафагаджи Малачдибиров (Дагестан) 6:8

Ону тэҥэ дьахталлар тустууларыгар бүгүн Надежда Галдина (68 кг) уонна Лилиана Рожина (72 кг) киирсиэхтэрэ. Бу, биһиги dzulurgan.ru сайтпытыгар бүгүҥҥү күннээҕи күрэхтэһии хаамыытын иһитиннэриитин сотору-сотору көрөн, ким хайдах тустубутун сирдэтинэн иһэргитигэр баҕарабын. Иһитиннэрии – сырыы ахсын саҥардыллан иһэр.

PS: Уолаттарбыт биирдиилээн тустууларын видеотын «Дьулурҕан» хаһыат телеграмҥа t.me/dzulurgan каналыгар көрүөххүтүн сөп.

Петр ПАВЛОВ.

Александр НАЗАРОВ хаартыската, Красноярскай.