Ким тустууну ордук билэр эбитий?

Красноярскайга ыытыллар Иван Ярыгин Кубогар «Дьулурҕан» үгэһинэн, спорду таптааччыларга куонкурус тэрийдэ. Билэргит курдук, онно кыайыылаахтары уонна биир дойдулаахтарбытыттан кимнээх миэстэлэһиэхтэрин сөбүн таайыы ыйытыылара бэриллибитэ.

Куонкуруска хоруйун 21 тустууну сэҥээрээччи ыытта. Кинилэргэ барыларыгар барҕа махтал!

Кыттааччылар кимнээҕий? Эрхан Константинов, Сэргэй Лукин, Василий Алексеев, Анастасия Алексеева, Гаврил Колесов, Андрей Аржаков, Афанасий Созонов, Герман Шкулев, Данил Данилов, Егор Бурцев, Михаил Н, Степан Г, Былатыан Эверстов, Валерий Петров, Константин, Вадим Петров, Валерий Гаврильев, Евгений Дьячковскай, Андрей Александров, Иван Рожин, Алексей Бережнев.

Кинилэр ааттара, ким хайдах хоруйун киллэрбитин бэрээдэгинэн сурулунна. Кыттааччылар билгэлээһиннэрин, ким кими суруйбутун бэйэҕит dzulurgan.ru сайтка киирэн бэрэбиэркэлиэххитин уонна күрэхтэһии хаамыытын кытта тэҥниэххитин, ырытыаххытын сөп.

Дьэ, аны түөрт күн Красноярскайтан түһүлгэ сытыы хапсыһыыларын көрөбүт. Итиэннэ куонкуруска киирбит эппиэттэри тэҥнээн көрөбүт. Ким тустууну ордук билэр эбитий? Кыайыылаах — олунньу 2 күнүгэр быһаарыллыаҕа.

Кыайыылаахха “Дьулурҕан” тустууга анаан ыыппыт куонкурустарыгар биэс төгүл бастаабыт Айсен Молуков анал бирииһэ туттарыллыаҕа.

«Дьулурҕан».