«Дьулурҕан» куонкурсугар Сэргэй Лукин чорбойдо

Красноярскайга ыытыллар Иван Ярыгин Кубогар «Дьулурҕан» үгэһинэн, спорду таптааччыларга куонкурус тэрийдэ. Билэргит курдук, онно кыайыылаахтары уонна биир дойдулаахтарбытыттан кимнээх миэстэлэһиэхтэрин сөбүн таайыы ыйытыылара бэриллибитэ.

Куонкуруска 21 тустууну сэҥээрээччи кытынна. Кинилэргэ барыларыгар барҕа махтал!

Дьэ, мэтээллэри быһаарсыы бастакы күнүн түмүгүнэн Сэргэй Лукин, Василий Алексеев, Анастасия Алексеева, Данил Данилов, Степан Г, Вадим – 5-тии очукуону сурунан инники таҕыстылар. Кинилэр — биирдии чемпиону уонна иккилии призеру таба таайдылар. Куонкурус кыттыылаахтара бэйэҕит dzulurgan.ru сайтка киирэн очукуоларгытын тэҥнээн ааҕа сылдьаргытыгар баҕарабыт.

Эрдэ этиллибитин курдук, тэҥнэһии түгэнигэр, ким бэйэтин хоруйун куонкуруска урут ыыппыт – ол бастыыр. Онон, билиҥҥитэ Сэргэй Лукин инникилээн иһэр. Аны, өссө икки күннээх түмүгү тэҥниирбит хаалла.

Кыайыылаахха “Дьулурҕан” тустууга анаан ыыппыт куонкурустарыгар биэс төгүл бастаабыт Айсен Молуков анал бирииһэ туттарыллыаҕа.

Петр ПАВЛОВ.