“Дьулурҕан”: Александр Николаевич Иванов

09.01.2026 Петр Павлов

Александр Николаевич Иванов 1951 сыллаахха тохсунньу 10 күнүгэр Сунтаар оройуонун Чуона нэһилиэгэр Туой Хайаҕа төрөөбүтэ.

Көҥүл тустуунан 1966 сыллаахтан дьарыктаммыта. 1968 сыллаахха “Спартак” спортивнай общество чемпиона буолбута уонна Чурапчытааҕы оҕо спортивнай интернат-оскуолатыгар биллиилээх тренер Д.П. Коркиҥҥа эрчиллэр кэлбитэ. Эһиилигэр ССРС үөрэнээччилэрин спартакиадатын кыайыылааҕынан буолбута. 1970 сыллаахха Казахстан Республикатын физическэй культураҕа уонна спорка государственнай институтугар үөрэнэ киирбитэ.

Александр Иванов тустууга сүрүн ситиһиилэрэ:

1971, 1973, 1977, 1978 – Тбилиситээҕи норуоттар икки ардыларынааҕы турнир кыайыылааҕа.

1972, 1973 – ССРС чемпионатын үрүҥ көмүс призёра.

1974, 1976 – ССРС чемпиона.

1975 – ССРС норуоттар сайыҥҥы спартакиадатын боруонса призёра.

1976 – Монреаллааҕы Олимпиада үрүҥ көмүс призёра.

1977 – Европа чемпионатын үрүҥ көмүс призёра.

1978 – аан дойду Кубогын хамаанданан түмүккэ кыайыылааҕа.

1993 – бэтэрээн маастардарга аан дойду чемпиона.

Венгрияҕа, Турцияҕа, Ираҥҥа, Кубаҕа, Францияҕа, Болгарияҕа, Афганистаҥҥа ыытыллыбыт норуоттар икки ардыларынааҕы турнирдар кыайыылаахтара.

Наҕараадалара:

ССРС спордун үтүөлээх маастара, Саха АССР үтүөлээх тренерэ, Сунтаар, Чурапчы улуустарын, Мирнэй оройуонун уонна Дьокуускай куорат бочуоттаах олохтооҕо, Саха сирин ХХ үйэҕэ спорка лауреата, Саха АССР физическэй культураҕа үтүөлээх үлэһитэ.

“Хотугу Сулус” орденынан, “Үлэҕэ килбиэнин иһин” мэтээлинэн, “Спорка албан аат” диэн Комсомол Киин комитетын уонна Саха Республикатын “Гражданскай килбиэн” диэн анал бэлиэлэринэн, Казахстан Олимпийскай комитетын Кыһыл орденынан наҕараадаламмыта, Казахстан Республикатын спорка академиятын бочуоттаах профессора.

А.Н. Иванов туһунан 2001 сыллаахха суруйааччы Дмитрий Зверев «Улуу пехлеван» диэн кинигэни бэлэмнээн таһаарбыта.