“Саха Бэчээккэ” ким бэргэний?

«Саха Бэчээт» тэрилтэ идэлээх сойууһун (бэрэссэдээтэл К.А. Борисов) көҕүлээһининэн, тэрилтэ салалтатын (генеральнай дириэктэр Н.М. Стручкова) өйөбүлүнэн, бу тэрилтэ үлэһиттэрин Спартакиадатын чэрчитинэн оҕунан уонна буулдьанан ытыыларга күрэхтэһиилэр түмүктэннилэр.

Эрдэ иһитиннэрбиппит курдук, номнуо дуобакка, саахымакка, хабылыкка, хаамыскаҕа, дартска, остуол тенниһигэр күрэхтэһиилэр ыытыллыбыттара.

«Саха Бэчээт» спартакиадатын көрүҥнэринэн түмүгэ:

Дуобат: 1 миэстэ – Виктор Эверстов, 2 миэстэ – Ирина Васильева, 3 миэстэ – Анна Прудецкая.

Хабылык-хаамыска: 1 миэстэ – Анастасия Новгородова; 2 миэстэ – Антонина Борисова; 3 миэстэ – Луиза Томская.

Дартс: 1 миэстэ – Евгений Макаров; 2 миэстэ – Луиза Томская; 3 мисэтэ – Ариан Григорьев.

Саахымат: 1 миэстэ – Андрей Исаков; 2 миэстэ – Константин Борисов; 3 миэстэ – Айаал Христофоров.

Остуол тенниһэ: 1 миэстэ – Саргылан Тистяхов, 2 миэстэ – Александр Веревкин, 3 миэстэ – Ариан Григорьев.

Аны ахсынньы 13 күнүгэр М.К. Аммосов аатынан Хотугулуу-Илиҥҥи федеральнай университет ытыыга саалатыгар бастаан оҕунан ытыыга күрэхтэһии тэрилиннэ. Ахсынньы аам-даам тымныытын аахсыбакка хара сарсыардаттан тэринэн бу күрэхтэһиигэ тоҕус киһи ким бэргэнин быһаарыста. Күрэсчиттэр Куобах, Кус уонна Тииҥ сыаллары иккилиитэ ыттылар. Түмүккэ Семен Иванов бастаата, Анна Прудецкая иккис буолла, Ариан Григорьев үһүс бириистээх миэстэҕэ таҕыста.

Оттон тута сөрөөн буулдьанан ытыы тэриллибитигэр — кыраҕы харахтаахтарын, кытаанах тарбархтаахтарын, булгуруйбат санаалаахтарын көрдөрөн, бириистээх миэстэлэри туһааннааҕынан ыллылар: Ариан Григорьев, Дмитрий Елегяев, Евгений Макаров.

Спартакиада түмүктэннэ. Кыттааччылар көхтөөхтүк кыттан, кистэнэ сылдьар ис кыахтарын арыйан көрдөрдүлэр диэххэ сөп. Санатан эттэххэ, көрүҥнэринэн күрэхтэһии кыайыылаахтарын уонна иккис-үһүс миэстэ буолбуттары наҕараадалааһын сотору кэминэн буолара былааннанар.

Бу күрэхтэһиилэр, “Саха Бэчээт” тэрилтэтэ үлэни да кыайарын, сынньалаҥы даҕаны сатыырын көрдөрдө диэн сыаналыахха наада. Идэлээх сойуустар күрэхтэһиилэригэр тэрилтэ хамаандата сүрүннээн сүүмэрдэннэ.

Түмүккэ, кыттыбыт, күрэхтэһиилэри тэрийсибит дьоҥҥо барыларыгар барҕа махтал! Ким түмсүүлээх – ол кыайыылаах!

Петр ПАВЛОВ, күрэхтэһии сүрүн судьуйата.

Ааптар хаартыскалара.