Биэриини көрөргүтүгэр ыҥырабыт

Ахсынньы 14 күнүгэр — өрөбүлгэ, сарсыарда 10:00 чаастан «Саха» национальнай көрдөрөр-иһитиннэрэр хампаанньа «күөх экранынан» биэриитигэр «Хотугу сулус» академия бэлэмнээһининэн спорт биллиилээх суруналыыстара Петр Павлов уонна Василий Посельскай спорт, олох, сайдыы тула сэһэргэһиилэрин көрөргүтүгэр ыҥырабыт.

Бу биэрии «Коркинныы олоруохха. Коркинныы айыахха!» быыстапка чэрчитинэн “Дьулурҕан” хаһыат редактора, Саха сирин үтүөлээх суруналыыһа Петр Павлов биир идэлээҕэ – “Саха” НКИХ радионан биэриитин редактора, Россия Суруналыыстарын сойууһун чилиэнэ, быйыл үбүлүөйдээх 75 сааһын туолбут уонна бэйэтин кэрэ бэлиэ түгэнигэр сөп түбэһиннэрэн «Кылыйар кырдал ыҥырар» диэн бэртээхэй кинигэни бэлэмнээн таһаарбыт Василий Федорович Посельскайы кытта көрсүһүүтүттэн бэлэмнэнэн, оҥоһуллан таҕыста.

“Дьулурҕан”.

Антонина Семенова хаартыската.