Алексей Никифоров кэриэһигэр хапсаҕай түһүлгэтэ ыытылынна

Алексей Никифоров – хапсаҕайга успуорт маастара, көҥүл тустууга успуорт маастарыгар хандьыдаат, самбо уонна грепплинг көрүҥүгэр Саха сирин хас да төгүллээх чөмпүйүөнэ, Уһук Илиҥҥи федеральнай уокурук ММА-ҕа призёра буолар.

Хомойуох иһин, кини 2015 сыллаахха, ууттан оҕону быыһаары сырдык тыына быстыбыта. 2018 сылтан, кини сырдык кэриэһигэр 23-гэр диэри саастаах эдэрдэргэ хапсаҕай күрэхтэһиитин чугас дьоно, аймахтара, доҕотторо-атастара, эдэр ыччат түмсүүтэ буоланнар тэрийэн саҕалаабыттара.

Быйыл 209 спортсмен 18 араас улуустартан кэлэн кыттыыны ылан бэрт сытыы, тыҥааһыннаах киирсиилэри көрдөрдүлэр. Ол курдук, ыйааһынынан түмүктэр манныктар:

57 кг:

1 миэстэ — Михаил Осипов (Ньурба)

2 миэстэ — Дмитрий Иванов (Кэбээйи)

3 миэстэ — Егор Находкин (Үөһээ Дьааҥы)

65 кг:

1 миэстэ — Олимпий Васильев (Үөһээ Бүлүү)

2 миэстэ — Дмитрий Винокуров (Бүлүү)

3 миэстэ — Пётр Алексеев (Бүлүү)

75 кг:

1 миэстэ — Игорь Матвеев (Нам)

2 миэстэ — Сергей Николаев (Кэбээйи)

3 миэстэ — Иван Потапов (Үөһээ Бүлүү)

85 кг:

1 миэстэ — Владимир Бояновский (Үөһээ Бүлүү)

2 миэстэ — Матвей Кычкин (Мэҥэ-Хаҥалас)

3 миэстэ — Кирилл Мордовской (Үөһээ Бүлүү)

95 кг:

1 миэстэ — Артур Слепцов (Мэҥэ-Хаҥалас)

2 миэстэ — Степан Иванов (Ньурба)

3 миэстэ — Былаас Сивцев (Уус-Алдан)

95 үөһээ кг:

1 миэстэ — Виталий Ефремов (Чурапчы)

2 миэстэ — Андрей Слепцов (Үөһээ Бүлүү)

3 миэстэ — Давид Семёнов (Бүлүү).

Ону таһынан, 75 киилэҕэ диэри ыйааһыҥҥа Аар Дархан хаһаайынынан буолла – Игорь Матвеев, оттон 75 киилэни аһары үктүүр ыйааһыҥҥа муҥутуур кыайыылааҕынан Виталий Ефремов таҕыста, кинилэр 50 тыһ. харчынан наҕараадаланнылар. Бу бириистэри Өлөксөй бииргэ милииссийэ оскуолатыгар үөрэммит доҕотторо, тэҥҥэ сулууспалаабыт уолаттара туруордулар.

Түмүк санаанан салайтаран этэр эбит буоллахпына, Өлөксөй күлүм гына кылгастык да кэлэн ааспыт олоҕор, элбэҕи да ситиспит, өссө да оҥоруохтааҕа-тутуохтааҕа хаалбыт, дьоҥҥо үтүө аатын, мөссүөнүн үйэтитэн барбыт, олус үчүгэй киһи быһыытынан чугастык алтыспыт дьоно-сэргэтэ ахтан-санаан ааһаллар. Кини кэриэһигэр буолар күрэхтэһиилэр өссө да сылын ахсын ыытыллан, эдэр уолаттары түмэ турарыгар баҕарабын. Кырдьык, Өлөксөй этэн хаалларбытын курдук: «Спорка үрдүк ситиһиилэри, бастатан туран, саҕалаабытын хаалларбат киһи ситиһэр!»

Милена АНДРЕЕВА, М.К. Аммосов аатынан Хотугулуу-Илиҥҥи федеральнай университет 3-с куурсун студентката.

Iron хаартыскаҕа түһэриитэ.