Крылов-2025: Финалга кимнээх таҕыстылар?

«Өрөгөй» Спорка бэлэмнэнии киинигэр Россия спордун маастара, Ил Түмэн депутатынан талыллан үлэлии сылдьыбыт, саха тустуута сайдыытыгар сүҥкэн өҥөлөөх Александр Крылов сырдык аатыгар көҥүл тустууга Бүтүн Россиятааҕы IV турнир ыытылла турар.

Быйылгы күрэхтэһиигэ 14 хамаандаттан: Забайкальскай, Красноярскай, Хабаровскай кыраайдартан, Иркутскай, Кемеровскай, Новосибирскай уобаластартан, Бурятия, Кабардино Балкария, Хотугу Осетия, Тыва, Хакасия республикаларыттан уонна Монголияттан, Таджикистантан барыта 155 бөҕөс күөн көрсө сылдьар. Кинилэр ортолоругар 7 – норуоттар икки ардыларынааҕы кылаастаах спорт маастара, 42 – Россия спордун маастара бааллар.

Күрэхтэһии үөрүүлээх аһыллыытыгар Саха Республикатын физическэй култуураҕа уонна спорка министрэ Леонид Спиридонов, Өймөкөөн улууһун баһылыга Александр Оконешников, күрэхтэһии сүрүн судьуйата Абакар Абиев (Хабаровскай) кыттыыны ыллылар.

Бүгүн бары ыйааһыннарга финалга тахсыыга диэри тустуулар буоллулар.

Финалга көрсүөхтэрэ:

57 кг: Любомир Ашеин — Федор Постников (иккиэн Саха сирэ)

61 кг: Бато Сультимов (Бурятия) — Кежик Монгуш (Иркутскай/Тыва)

65 кг: Чаян Монгуш (Иркутскай/Тыва) — Ринчин Гармаев (Иркутскай)

70 кг: Виктор Рассадин (Таджикистан) — Анатолий Иванов (Саха сирэ)

74 кг: Константин Капрынов — Айсен Потапов (иккиэн Саха сирэ)

79 кг: Никита Сучков (Красноярскай) — Владимир Бояновский (Саха сирэ)

86 кг: Азрет Улимбашев (Красноярскай/КБР) — Баямбадорж Бат-Эрдене (Монголия)

92 кг: Эмиль Рамазанов (Хабаровскай) — Дмитрий Зайнидинов (Красноярскай)

125 кг: Никита Софронов (Саха сирэ) — Остап Пасенок (Кемерово).

Оттон 97 киилэҕэ күрэхтэһии эргиир ньыматынан ыытыллыбытыгар, билиҥҥитэ Юрий Иванов (Иркутскай) балаһыанньата ордук курдук. Кини бастакы эргииргэ ааспыт нэдиэлэҕэ Д.П. Коркин турнирыгар бастаабыт Пшеничниковы (Кемерово) 3:1 ахсаанынан кыайбыта.

Сарсын, “санааны уоскутар бөлөххө” 57 киилэҕэ Спиридонов – Петров, Эрдынеев (Бурятия) кыайыылаахтара үһүс миэстэ иһин Шагдуровы (Бурятия) кытта киирсиэҕэ. Иккис бөлөххө Шаракшинов (Бурятия) – Оконушкин, Баяндуев (Бурятия) бастыҥнара боруонса иһин Чебодаевы (Красноярскай) кытта тустуоҕа.

61 кг Неустроев – Гонжапов (Бурятия) = Ганхулег (Монголия), Слепцов – Макаров = Сагды (Тыва).

65 кг Далбаев – Бурнашев = Григорьев, Одгерел – Баасанхуу (иккиэн Монголия) = Ильинов.

70 кг боруонса иһин Матвеев – Трофимов, Матускин (Иркутскай) – Корнеев (Кемерово) = Варламов.

74 кг Бабаранов – Чириков = Старостин, Захаров – Якимов (Иркутскай) = Цыденов (Бурятия).

79 кг Жирков – Винокуров = Цыденов (Заб. кыраай), боруонса иһин Шевелев – Фомин.

86 кг Шадапов (Бурятия) – Родионов.

92 кг Бадыргов (Кемерово) – Ефимов = Юршин (Иркутскай), Ленскэй – Николаев = Ган Очир (Монголия).

Түһүлгэ күүтүүлээх түгэнинэн, биллэрин курдук, ыйааһын кыайыылаахтара тахсан лотерея тардыахтара, хайалара тарбаҕар талааннаах сүрүн бирииһи ылан үөрүө-көтүө. Түгэни мүччү тутумаҥ.

PS: Бу күрэхтэһии туһунан сиһилии сонуннары, хаартыскалары, видеолары өссө «Дьулурҕан» хаһыат телеграмҥа каналыгар t.me/dzulurgan көрүөххүтүн сөп.

Сарсын, сэтинньи 23 күнүгэр күрэхтэһии күнүс 11:00 чаастан саҕаланар. Тосхол быһыытынан быһаарыылаах хапсыһыылар күнүс 15:00 чаастан буолаллар.

Петр ПАВЛОВ.