Остуол тенниһигэр бастыҥнары быһаардылар

Нам сэлиэнньэтигэр түөлбэ пенсионердара остуол тенниһигэр көрүстүлэр. Барыта 7 түөлбэттэн 20-тэн тахса пенсионер күрэхтэстэ.

Урукку сылларга түөлбэлэр икки ардыларыгар күрэхтэһии саҕаланнаҕына, “сатаа-сатаама”, олорор сирин аатын киирэн көмүскээ диэн буолара. Оччоттон кэлбит этии бүгүҥҥү күҥҥэ диэри күүһүн сүтэрбэт. Ол курдук, остуол тенниһигэр толору хамаандалаах “Нэлэгэр” уонна “Строительнай” түөлбэлэр кэлбиттэр – 5-тии киһилээх. “Северный”, “Госстрах” уонна “Набережный” 3-түү киһилээх хамаандалары туруорбут. Оттон “Дадар” уонна “Базовый” түөлбэлэртэн биирдии теннис оонньооччу.

55-64 саастаах пенсионер дьахталларга кыайыыны “Нэлэгэр” түөлбэттэн Анна Бугаева, иккискэ “Набережнайтан” Татьяна Чекурова уонна үһүскэ “Госстрахтан” Екатерина Флегонтова таҕыстылар. “Строительнайтан” Раиса Негнюрова (4-с миэстэ), “Севернайтан” Екатерина Новгородова (5-с миэстэ) кэлэллэр.

65-тэн үөһэ саастаах пенсионердарга бастыҥ ракетканан “Госстрах” түөлбэттэн Елизавета Матвеева ааттанна. Иккис “Набережнайтан” Любовь Бесчетнова уонна үһүс “Строительнайтан” Людмила Собакина буоллулар. 4-с уонна 5-с миэстэлэри Мария Лукинова (“Северный”), Галина Иванова (“Нэлэгэр”) салгыыллар.

55-64 саастаах пенсионер эр дьоҥҥо бэйэ туһугар бастыырга “Госстрах” түөлбэттэн Иван Николаев кыайыылааҕынан таҕыста. Иккис нүөмэр “Нэлэгэртэн” Вячеслав Тюнгюрядов, үһүс нүөмэр “Строительнайтан” Касьян Олесов буоллулар. 4-с миэстэ – Борис Соловьев (“Нэлэгэр”), 5-с миэстэ – Анатолий Никонов (“Строительный”), 6-с миэстэ – Руслан Алексеев (“Северный”).

65-тэн үөһэ саастаах остуол тенниһин сөбүлээн оонньооччуларга бастыҥ теннисиһинэн “Нэлэгэртэн” Иннокентий Бугаев буолла. Үрүҥ көмүс мэтээли “Дадар” түөлбэ олохтооҕо Афанасий Софронов, боруонса мэтээли “Набережнайтан” Яков Степанов ыллылар. 4 миэстэ – Владислав Корякин (“Базовый”), 5 миэстэ – Виталий Исаков (“Строительный”).

Теннис остуолун күрэхтэһиитин бары кыайыылаахтара утарылаһааччыларын 2:0 ахсаанынан кыайбыттарын бэлиэтиибит.

Харысхан ПОПОВ, Нам.

Ааптар хаартыскалара.