Анатолий Филиппов бирииһигэр

ССРС спордун норуоттар икки ардыларынааҕы кылаастаах маастара Анатолий Филиппов бирииһигэр 14-15 саастаах уолаттарга Саха сирин боксаҕа күрэхтэһиитэ ыытыллан түмүктэннэ. Күрэхтэһии алтынньы 7-11 күннэригэр Хаҥалас улууһун киинигэр Покровскайга ыытылынна. Барыта 22 хамаандаттан 186 эдэр боксёр рингэҕэ тахсан кииристэ.

Түөрт күннээх сытыы киирсиилэр түмүктэригэр бэйэлэрин ыйааһыннарыгар кыайыылаахтарынан буоллулар: 42 кг Владимир Сергеев (Чурапчы), 44 кг Арылхан Сметанин (Мэҥэ Хаҥалас), 46 кг Даниял Курбанов, 48 кг Кирилл Поминов, 50 кг А Дмитрий Коник (үһүөн — Нерюнгри), 50 кг Б Артём Стручков (Дьокуускай, ДЮСШ-1), 52 кг Тимур Дюжев (Нерюнгри), 54 кг А Руслан Гайдай (Дьокуускай, ДЮСШ-9), 54 кг Б Дамир Карманов (Дьокуускай, ДЮСШ-1), 57 кг Эркин Тризна (Дьокуускай, СШОР), 60 кг Кирилл Догордуров (Үөһээ Бүлүү, ОЭУ), 63 кг Леонид Игнатьев, 66 кг Сайдам Новгородов (иккиэн Мэҥэ Хаҥалас), 70 кг Саян Андросов (Дьокуускай, СШОР), 75 кг Михаил Адаменко (Мирнэй), 80 кг Глеб Иванов (Нерюнгри), +80 кг Артур Гогонел (Алдан).

Күрэхтэһии түмүгүнэн олохсуйбут үгэһинэн бастыҥнарга анал бириистэр туттарылыннылар. Ол курдук, “Бастыҥ боксерунан” – Даниял Курбанов (Нерюнгри), “Бастыҥ техникатын иһин” – Кирилл Доҕордуров (Үөһээ Бүлүү), Леонид Игнатьев (Мэҥэ Хаҥалас), “Бастыҥ киирсии иһин” – Михаил Мазу Али (Хаҥалас) – Дмитрий Коник (Нерюнгри), “Кыайыыга дьулуурун иһин” – Арчыл Павлов (Сунтаар), “Бастыҥ тренер” – Анатолий Пилевин (Нерюнгри), “Бастыҥ судьуйа” – Константин Горохов (Хаҥалас) буоллулар.

Күрэхтэһии сүрүн судьуйатынан – Бүтүн Россиятааҕы категориялаах судьуйа А.Мынта (Нерюнгри), сүрүн суруксутунан – бастакы категориялаах судьуйа М.Монастырева (Майа) үлэлээтилэр.

Петр ПАВЛОВ.