Куонкурус кыайыылааҕынан ким буолуой?

Балаҕан ыйын 13 күнүттэн Хорватия киин куоратыгар Загребка көҥүл тустууга аан дойду чемпионата саҕаланар. Спорт бу көрүҥэр 2025 сыл саамай быһаарыылаах түһүлгэтигэр анаан “Дьулурҕан” спорду сэҥээрээччилэргэ үгэс быһыытынан куонкурус тэрийдэ. Онуоха барыта 35 киһи бэйэтин билгэлээһинин ыытта.

Балаһыанньа быһыытынан, очукуо тэҥнэһэр түгэнигэр, ким бэйэтин билгэлээһинин урут ыыппыта быһаарыылаах буолуоҕа. Онуоха куонкуруска бэйэлэрин сылыктааһыннарын маннык бэрээдэгинэн ыыттылар: Айсен Молуков, Мичил Васильев, Тимофей, Артур Дыдырысов, Эрхаан Константинов, Герман Шкулев, Федора Захарова, Данил Данилов, Стас Скрябин, Анастасия Алексеева, Василий Алексеев, Гаврил Скрябин, Николай Терентьев, Евгений Огоюкин, Гаврил, Андрей Александров, Серафим Терентьев, Егор Капитонов, Александр, Сэргэй Лукин, Степан Гоголев, Иван Иванов, Иван Кычкин, Ванесса, Иван Рожин, Евгений Дьячковскай, Валерий Гаврильев, Алексей, Алексей Бережнев, Валериан Неустроев, Петр Захаров, Михаил Максимов, Егор Друзьянов, Николай Черкашин, Камилла. Кинилэргэ барыларыгар улаханнык махтанабыт!

Састаап күүстээх диэххэ сөп! Молуков, Константинов, Шкулев, Захарова, Данилов, Алексеева, Алексеев, Александров, Рожин, Дьячковскай, Максимов – «Дьулурҕан» араас сылларга тустууга уонна футболга ыыппыт куонкурустарын кыайыылаахтарынан тахсан, анал бириистэринэн наҕараадаламмыттара. Бу сырыыга дьэ ким кыайар?

Куонкуруска бирииһи Роман Иванович Оконешников салайааччылаах Саха Республикатын физическэй култуураҕа уонна маассабай спорка управлениета туруорда.

Хаһан баҕарар буоларыныы, хас биирдии кыттааччы уонна атыттар даҕаны, куонкурус усулуобуйатын итиэннэ ким хайдах сабаҕалаабытын барытын сайтка киирэн https://dzulurgan.ru/2025/09/bolҕojuҥ-kuonkurus-kyajyylaahtary-taajyҥ-4 билгэлээһиннэри көрүөххүтүн, сыаналыаххытын, ырытыаххытын сөп.

«Дьулурҕан».