Атах оонньуутугар күрэхтэстибит

Үөһээ Бүлүү улууһугар оптуорунньук күн – Доруобуйа күнүнэн бэлиэтэнэр. Ол курдук, оптуорунньук аайы сарсыардааҥҥы сэрээккэ, араас спорт көрүҥнэригэр күрэхтэһии ыытыллар.

Дүллүкү орто оскуолатыгар бу күн Саха сирин Государственноһыгар аналлаах нэдиэлэ чэрчитинэн атах оонньуута буолла. Бу күрэхтэһиигэ 5-с кылаастан 11-с кылааска диэри оҕолор кыттыыны ыллылар. Барыта 27 оҕо кытынна.

Уолаттар 3х3 ыстаннылар, оттон кыргыттар тройной прыжок (кылыы, буур, куобах). Күрэспит саҕаланыан иннинэ оҕолор разминкаланныбыт, эппитии-сииммитин сылыттыбыт.

Күрэс түмүгэ:

5-7 кл диэри уолаттарга: 1 м – Тарасов Сулустаан 17,84; 2 м – Николаев Айгылаан 16,29; 3 м – Федоров Аман 16,08.

5-7 кл диэри кыргыттарга: 1 м – Васильева Харыстаана 6,58; 2 м – Иванова Зарина 5,67; 3 м – Ксенофонтова Айгылаана 5,51.

8-11 кл диэри уолаттарга: 1 м – Руфов Арылхан 21,08; 2 м – Мандаров Эрхан 21,0; 3 м – Иванов Айсен 20,95.

8-11 кл диэри кыргыттарга: 1 м – Санникова Алина 6,25; 2 м – Семенова Лера 6,06.

Күрэхтэһиибитин физкультура учууталлара Радомир Алексеевич Руфов уонна Аркадий Григорьевич Лазарев ыыттылар. Оҕолор олуһун диэн сэҥээрэн кыттыыны ылбыттара киһини үөрдэр. Өссө да оҕолор спорка тардыһыылара күүһүрүө диэн эрэнэбит.

Алина САННИКОВА, Дүллүкү орто оскуолатын 11-с кылааһын үөрэнээччитэ, “Эрчим” медиакиин эдэр кэриспэндьиэнэ.

Үөһээ Бүлүү.