Дьоһун бэлэх

Бэҕэһээ, атырдьах ыйын 27 күнүгэр Уус Алдан улууһун Бороҕон нэһилиэгин киинигэр Тумулга дьоро күн буолла.

«Интехстрой» уонна «Металлком» тутуу матырыйаалларын оҥорор тэрилтэлэри төрүттээбит, Саха Республикатын үтүөлээх тутааччыта Николай Владимирович Иванов кэргэнэ Мария Васильевналыын тус бэйэлэрин үптэринэн спорт киинин туттарбыттарын үөрүүлээхтик бэлиэтээһин буолла.

Саҥа тутуу тумуллар киэн туттар киһилэрэ, ССРС, РСФСР, Саха АССР спортарын маастара, Саха сирин үтүөлээх тренерэ Иннокентий Андреевич Халдеев аатын сүгэр.

Онон, бэйэлэрэ да түмсүүлээх, үлэҕэ-сынньалаҥҥа, спорка көхтөөх тумуллар доруобуйаларын бөҕөргөтүнэр, спордунан дьарыктанар дьиэлэммиттэринэн үөрүүлэрэ үгүс. Кинилэр Ивановтар дьиэ кэргэҥҥэ махталлара муҥура суох.

Сиһилии суруйууну, “Дьулурҕан” хаһыакка ааҕаарыҥ.

Петр ПАВЛОВ.

Ааптар хаартыскалара.