Сыл быһаарыылаах түһүлгэтигэр

Дьэ, күүппүт күрэхтэһиибит бу кэллэ. Москваҕа дьахталларга уонна эр дьоҥҥо Россия көҥүл тустууга чемпионата саҕаланара чугаһаата. Бастаан бэс ыйын 25-26 күннэригэр дьахталлар тусталлар. Оттон бэс ыйын 27-28 күннэригэр эр дьон күөн көрсөллөр.

Дьахталларга Саха сириттэн түөрт спортсмен: Александра Копылова (50 кг), Евгения Огородникова (59 кг), Надежда Галдина (65 кг) уонна Лилиана Рожина (72 кг) кытталлар.

Оттон эр дьоҥҥо састааппыт маннык:

57 кг: Лев Павлов, Федор Постников, Любомир Ашеин, Алексей Копылов, Петр Копылов, Кэскил Семёнов, Валерий Андросов.

61 кг: Яков Павлов, Виктор Яковлев, Петр Константинов, Александр Авелов, Манчаары Ильинов, Николай Щеглов, Артём Слепцов, Александр Болуров.

65 кг: Юлиан Григорьев, Андрей Мидловец, Эдуард Попов.

70 кг: Константин Капрынов, Айсен Потапов, Олег Фомин, Игорь Матвеев, Станислав Свинобоев, Иван Потапов, Уйгулаан Протодьяконов.

74 кг: Албан Аввакумов, Николай Сивцев.

79 кг: Роман Николаев.

86 кг: Андриан Ленскэй.

92 кг: Ньургун Сергин.

97 кг: Максим Толмачев, Евгений Аронов.

125 кг: Никита Хабаров.

Чемпионат тосхоло

Дьахталлар тустуулара уонна эр дьон финал аҥарыгар диэри киирсиилэрэ ЦСКА КЛФК ыытыллыаҕа, оттон эр дьон мэтээл иһин хапсыһыылара ВТБ Аренаҕа буолуоҕа.

Бэс ыйын 25 күнэ, сэрэдэ

17:00-21:00 Барыллааһын тустуулар

21:00-01:00 Финал аҥарынааҕы киирсиилэр.

Бэс ыйын 26 күнэ, чэппиэр

17:00-19:00 Уоскутар бөлөх тустуулара.

19:00-21:00 Мэтээл иһин киирсиилэр.

Бэс ыйын 27 күнэ, бээтинсэ

17:00-02:00 Барыллааһын хапсыһыылар.

02:00-04:00 Финал аҥарынааҕы киирсиилэр.

Бэс ыйын 28 күнэ, субуота

17:00-19:30 Уоскутар бөлөх тустуулара.

22:00-01:30 Үһүс миэстэ иһин тустуулар.

02:00-04:00 Быһаарыылаах хапсыһыылар.

Өссө Хотугу Осетияттан Алексей Антипин, Харысхан Баппаҕай уонна Красноярскайтан Алексей Ефимов тустуохтара. Сыл быһаарыылаах түһүлгэтигэр биир дойдулаахтарбыт ситиһиилээхтик кытталларыгар баҕарабыт. Итиэннэ дойду тэбэр сүрэҕиттэн үтүө сонуннары кэтэһэбит.

«Дьулурҕан».